Mateyu 3:11 - Tonga Bible 1986

¹¹ “Ine nadi ndikubatizani ndi maji ku ching'anamuka: kweni yo watuza pavulipangu ngwanthazi ndi ine, viyatu vyaku mweniyo kuti nde wakwenere cha ine kufwatuwa. Iyo wamkukubatizani ndi Mzimu Wakupaturika ndi moto.

Mateyu 3:11 Referans Kwoze

Luka 3:16

wangwamuka Yohane, wakuŵanene wose, “Ine ndikubatizani ndi maji; kweni watuza wanthazi ndi ine, mikoŵezu ya viyatu vyaku mweniyo kuti nde wakwenere cha kufwatuwa; iyo wabatizenge imwe ndi Mzimu Wakupaturika ndi moto;

Yesaya 4:4

penipo Ambuya asuka lisiru la ŵanthu ŵaku Zioni ndi kutozga mudonthu wa ndopa za Yerusalemu kutuwa mukati mwake ndi mzimu wa cheruzgu ndi mzimu wakocha.

Machitidu gha Ŵakutumika 1:5

pakuti Yohane iyo wangubatiza ndi maji, kweni imwe mubatizikenge ndi Mzimu Wakupaturika, ghandakepo mazuŵa ghanandi.”

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

Mateyu 3:6

ndipo ŵabatizikanga ndi iyo mu msinji Yordane, ŵakusumuwa vyakulakwa vyawo.

Machitidu gha Ŵakutumika 19:4

Ndipo wanguti Paulo, “Yohane wangubatiza chibatizo cha ching'anamuka, pakukambiya khamu lo, kuti ŵavwane mwaku yo wakhasanga kuza pavuli pake, ndiku kuti, paku Yesu.”

Luka 1:17

Ndipo iyo wadanjiriyenge pa maso pake mu mzimu ndi nthazi yaku Eliya, kwaching'anamuliya mitima ya ŵatate ku ŵana, ndi ŵamtafu ku vinjeru vya ŵarunji, kwachirongosole Ambuya khamu lakurongosoleka.”

Yohane 1:30

Mweniyo ndi yo ine ndakambanga kuti, ‘Kuvuli kwangu watuza munthu, mweniyo waŵa paurongo pangu, pakuti wenga wakudanga ndi ine.’

Marko 1:4

Kunguŵa kuti Yohane wabatizanga mu bozwa lo, ndi wamemezanga ubatizo wa ching'anamuka cha ku chireke cha vilakwa.

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

Yohane 1:15

(Yohane wasimikizga vya paku iyo, ndipo wabongo, kuti, “Ndiyo ndingukamba, ‘Mweniyo watuza kulivi kwangu waŵa paurongo pangu: pakuti wenga wakudanga ndi ine.’ ”)

Luka 3:3

Ndipo wanguza mu charu chose chakuzunguliya Yordane, wakumemeza ubatizo wa ching'anamuka ku chireke cha vyakulakwa;

Machitidu gha Ŵakutumika 8:36

Ndipo ŵachiruta mu nthowa yo, ŵanguza pa maji ghakuti; ndipo wamthenu yo wanguti, “Awonani, maji! Chitindikanizga chine kubatizika?” [

Machitidu gha Ŵakutumika 8:38

Ndipo wangulangula kuti lime jo gareta lo: ndipo ŵangusikiyamo mu maji wose ŵaŵi, Filipu iyo ndi so wamthenu yo; ndipo wangumbatiza.