Mateyu 3:10 - Tonga Bible 1986

¹⁰ Ndipo sono nako mbavi yajikika ku nkhorozu za miti, chimuti chose chakureka kupasa vipasi vyeneko chitemeka ndipo chipong'eka mu moto.

Mateyu 3:10 Referans Kwoze

Yohane 15:6

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

Luka 3:9

Ndipo sono naku mbavi yijikika ku nkhorozu ya miti: viyo muti wose wambura kupasa chipasi cheneko utemeka, ndi mu moto upong'eka.”

Mateyu 7:19

Chimuti chose chakuwura kupasa chipasi cheneko chitemeka, ndipo mu moto chipong'eka.

Yohane 15:2

Mphanda yose mwaku ine yambura kupasa, atiyipantha: ndipo yose yakupasa atiyitenguliya, mwakuti yipase vinandi.

Yeremiya 17:8

Wakozgana ndi muti wakupandika pafupi ndi maji, weniwo utambaruliya misisi yake ku maji, ndipo kuti utopa cha chichiza chifundizi, pakuti mani ghake ghajaririya uŵisi, ndipo kuti usuzgika cha mu charu cha chilala pakuti kuti ureka cha kupasa vipasi.”

ŴaHebere 6:8

kweni cho nchakume minga ndi ŵakankhandi, nchakupatika ndipo che pafupi kutembeka; kamaridu kaku chenicho nkhocheka.

Mateyu 21:19

Ndipo pakuwona mkuyu umoza mu mphepete mu nthowa, wanguza kwaku wo, ndipo kuti wangusaniyamo kanthu cha, kweni mane pe, ndipo watiti kwaku wo, “Pako pangaŵa so chipasi cha muyaya!” Ndipo sosonukweni ungumira mkuyu wo.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Luka 23:31

Pakuti, asani ku muti uŵisi ŵachita ivi nakuwakumira kukaŵanga chine?”

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

2 Samuele 23:7

munthu wakuyikwaska watijirongosole chisulo ndi luti la mkondo; ndipo yitocheka ndi moto.”

Sumu 92:12

Ŵakurunjika ŵakatipitiyanga nge ndimuti wa kanchindwi, ŵakakuwanga nge ndimilanji yaku Lebanoni.

Sumu 140:10

Maka gha moto ghaŵawiye; ŵapong'eke mu zenje ndi kuti atuwi so cha.

Danyele 4:14

Wangudanirizga ndi wanguti ‘Temiyani pasi muti ndi panthani mphanda zake, puluwani mani ghake ndi parghang'ani vipasi vyake; nyama zituwemu musi mwake, ndi viyuni vituwemu mu mphanda zake.