Mateyu 28:5 - Tonga Bible 1986

⁵ Kweni mungelo yo wakwamuka wanguŵanene ŵanthukazi, “Mungopanga cha, chifukwa ndiziŵa kuti mupenja Yesu yo wangupayikika.

Mateyu 28:5 Referans Kwoze

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Luka 24:5

ndipo pakuŵa iwo ŵakofyeka ndi ŵakubwanthuskiya visku pasi, ŵanguŵafumba, “Chifukwa chine mutumpenja wamoyo pamoza ndi ŵakufwa?

Luka 1:30

Ndipo mungelo yo wanguti kwaku iyo, “Ungopanga, Mariya: pakuti wasaniya wezi kwaku Chiuta.

Marko 16:6

Ndipo iyo wanguti kwaku wo, “Mungarwitiskikenga cha: mupenja Yesu waku Nazarete, mweniyo wangupayikika. Wayuka: kuti we panu cha: alereni, malo po ŵangumuŵika.

Mateyu 28:10

Sono Yesu watiti kwaku wo, “Mungopanga cha; kaninga, katauliyeni ŵabali ŵangu kuti ŵakenge ku Galile, ndiko ŵamukundiwona.”

Mateyu 14:27

Kweni ruŵi Yesu wangurongoro nawo, wakuti, “Chinthani mtima; ndine; mungopanga cha.”

Danyele 10:19

Ndipo wanguti, “Iwe wa munthu wakwanjiwa ukongwa, ungopanga, chimangu chiŵi nawe; khwima, uŵe wachiganga.” Ndipo wanguti wakamba nane, ndingukhwimiskika ndinguti, “Mbuya wangu wakambenge chifukwa wandikhwimiska.”

Danyele 10:12

Ndipo wanguti, “Ungopanga, Danyele, chifukwa kutuwa zuŵa lakudanga lo ungunweke mtima wako kuziŵa, ndi ungujiyuyuliya paurongo paku Chiuta wako, mazu ghako ghavwika, ndipo ndaza chifukwa cha mazu ghako.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 35:4

Ku ŵa mtima wa mantha unene, “Nkhwimani, kopa cha! Ehe, Chiuta winu wakazanga ndi thayu, ndi kuwezge nduza kwaku Chiuta. Wakazanga kumutaskani.”

Mateyu 28:4

ndipo pakumopa ŵaronda wo ŵangutenthema, ndipo ŵanguwa nge mbakufwa.

Machitidu gha Ŵakutumika 2:24

Kweni Chiuta wangumuyuska, wati wamasuwa maurwirwi gha nyifwa, chifukwa kuti kwenga kwamachitika cha kuti wagodeke nayo.