Mateyu 27:60 - Tonga Bible 1986

⁶⁰ ndi wanguliŵika mu muunda wake ufya, wo wanguchonga mu jarawi: ndipo wati wagadabuliyako mwa ukuru ku khomu la muunda, wanguruta.

Mateyu 27:60 Referans Kwoze

Yesaya 53:9

Ndipo ŵanguchita muunda wake pamoza ndi ŵaheni, ndi pamoza ndi ŵakupatika mu nyifwa yake, chingana iyo wengavi kuchita chiwawa, ndipo mwengavi urghargha mu mlomo wake.

Mateyu 28:2

Ndipo onani, kunguŵapo chiyeuyeu chikuru; chifukwa mungelo wa Ambuya wangusika kuchanya, ndipo wanguza ndi wangugadabuwa mwa wo, ndipo wanguja ndeku pachanya pake.

Mateyu 27:66

Ndipo ŵanguruta, ŵangukhozga muunda ŵakuuzighiriya mwa, ndipo ŵanguŵikako ŵaronda.

Yohane 20:1

Kweni pa zuŵa lachimoza la Sabata Mariya waku Magdala watuŵa ku kuunda ndi mlenjulenji, po kwenga kweche mdima, ndipo wanguwona mwa watuzgikako ku muunda wo.

Luka 24:2

Ndipo ŵangusaniya mwa wakunkhuruskikako ku muunda wo.

Chiyambo 50:5

‘Ada ŵangundirimbiliska kuti, Ine nde pafupi kufwa; mu muunda wangu wo ndingujichonge mu charu cha Kanani mwenimo ndimu mukandiŵike. Viyo sono ndizomerezgeni ndikwere, nditukupemphani, nkhaŵike ada, pavuli pake ndamuwe.’ ”

Yesaya 22:16

Uchitanji kuno ndipo njani yo we nayo, pakuti kuno wachongako muunda waku wamweni, iwe wakuchonga muunda munena, ndi kujiseme chakujamo wamwene mu jarawe?

Mateyu 27:59

Ndipo Yosefe wanguto thupi lo, wangulifunga mu bafuta wakutowa,

Yohane 11:38

Viyo Yesu wangusuzgika so ndi chitima mu mtima, wanguza ku muunda; wenga wamphanji, ndipo mwa ungujarikako ku khomo.

Yohane 11:41

Viyo wangutuzgako mwa. Ndipo Yesu wangwinuskiya kuchanya maso ghake, wanguti, “Ada, ndikuwongani kuti mwandivwa.

Yohane 19:41

Ndipo mu malo gho wangupayikikamo mwenga dimba; ndi mu dimba lo muunda ufya, mwenimo mwengavi kuŵikika kali yumoza.