Mateyu 27:51 - Tonga Bible 1986

⁵¹ Ndipo onani, chijaru cha kasopi chinguparuka pakati, kutuwa pachanya pasi mbwitu. Ndipo charu chingundengandenga; ndi majarawi ghangusweka,

Mateyu 27:51 Referans Kwoze

Marko 15:38

Ndipo saru yakuchinga mu kasopi yinguparuka pakati, kutuwa pachanya pasi mbwitu.

ŴaHebere 6:19

chigomekezgu chenicho te nacho nge ndi ndondowa ya mzimu, chakuneneska ndi chakukho, ndi chakuserere mwaku cho che mukati mu chijaru cho;

Luka 23:45

lati lafumphiya lumwi; ndipo chijaru cha kasopi chinguparuka pakatikati.

Chivumbuzi 11:19

Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Mateyu 28:2

Ndipo onani, kunguŵapo chiyeuyeu chikuru; chifukwa mungelo wa Ambuya wangusika kuchanya, ndipo wanguza ndi wangugadabuwa mwa wo, ndipo wanguja ndeku pachanya pake.

Yesaya 25:7

Ndipo pa phiri lenili akabwanganduwanga chakuvunikiliya cho chikupong'eka pa ŵanthu wose, chivwinkhu cho chikutandikika, pa mitundu yose.

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.

ŴaHebere 9:3

Ndipo parweka pa chijaru chachiŵi, chihema cho chizumbulika Malo Ghakupaturika gha Ghakupaturika;

Habakuku 3:10

Mapiri ghangumuwonani, ndi kuvivira; maji ghanthazi ghangusapatiya; ndimba yingutuzga mazu, yingutumphuskiya manja ghake pachanya.

2 Mikoka 3:14

ndipo so wanguwomba saru yakuchinga ya thonje lifipa nge ndi mtambo, ndi lakufyuŵara, ndi lichesamu, ndi la bafuta wakutowa, wanguzgangamo ma­kerubi mwaku yo.

ŴaLevi 21:23

kweni kuti wakazanga kufupi ndi chivwinkhu cha, pamwenga kuza ku jochero, chifukwa wendi kalema; vinu wangakazuzga malo ghangu ghakupaturika, pakuti ine ndine Ambuya yo watighapatuwa.”

Habakuku 3:13

Mungutuwa chifukwa cha kutaska ŵanthu ŵinu, chifukwa cha kutaska wakupakika winu. Munguphwanya mutu wa muheni, ndi kumlarika wankhuli kwamba ku chigha kufika ku khosi.

Sumu 18:15

Sono misisi ya nyanja yinguwoneka, viŵanja vya charu vinguŵa pakwero, pa kuchenya kwinu, Ambuya mwe, pakututa kwa mvuchi wa mphunu zinu.

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

ŴaLevi 16:2

Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

Chituwa 40:21

ndipo wanguza ndi bokosi mu hema lakupaturika, ndi wangumika chivwinkhu cha chakuchinga, ndi wanguchingako ku bokosi laukaboni; uli ndimo Ambuya angulanguliya Mosese.

Maŵerengedu 4:5

Pakusoka ugoŵi, Aroni ndi ŵana ŵake ŵaserenge mukati kusiskiya pasi saru ya chivwinkhu, ndi kuvunikiriya nayo Bokosi la phanganu.

Luka 23:47

Ndipo nduna yo, yichiona cho chinguŵapo, yamkankhuskanga Chiuta, yakuti, “Nadidi munthu mwenuyu wenga murunji.”