Mateyu 27:42 - Tonga Bible 1986

⁴² “Wangutaska ŵanyake; walive nthazi kujitaska yija. Ndiyo karonga waku Yisraele! Wasike sono ku mphinjika yo, ndipo tivwanenge mwake.

Mateyu 27:42 Referans Kwoze

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Mateyu 27:37

Ndipo ŵanguŵikapo pachanya pa mutu wake kafukwa kake kakulembeka, MWENUYU NDI YESU, KARONGA WA ŴAYUDA.

Machitidu gha Ŵakutumika 4:14

Ndipo pakuthoŵa munthu wakuma pamoza nawo wakuchizgika, ŵengavi kanthu kakususkapo.

Yohane 12:47

Ndipo asani yumoza wangavwa mazu ghangu, ndi wareka kughasunga, ine kuti nditumweruzga cha; chifukwa kuti ndinguziya kuti nderuzge charu cha, kweni kuti ndichitaske charu.

Yohane 12:13

ŵanguto mphanda za ŵakanchindu, ŵangutuwa kwachikumana nayo, ndipo Wakamburanga, “Hosana! Ngwakutumbikika yo watuza mu zina la Mbuya, Karonga waku Yisraele!”

Yohane 9:24

Viyo ŵangumdana kachiŵi munthu yo wenga wachiburumutiya, ndipo ŵangunena nayo, “Paska unkhankhu kwaku Chiuta: ifwe tiziŵa kuti munthu yo ndi mlakwi.”

Luka 19:38

ŵakuti, “Ngwakutumbikika Karonga yo watuziya mu zina la Mbuya! Chimangu kuchanya, ndi unkhankhu mdengwendi.”

Mateyu 2:2

“We pani yo wakuwa Karonga wa ŵaYuda? Chifukwa ku vuma tinguwona nyenyezi yake, ndipo taziya kumlambiya.”

Mateyu 27:40

ŵakuti, “Wakubwanganduwa kasopi we, ndi wakumuzenga mu mazuŵa ghatatu, jitaske: asani we Mwana waku Chiuta, sika ku mphinjika yo.”

Mateyu 27:41

Kwakulingana nako ŵazukuru ŵara ŵangumuyeya, pamoza ndi ŵalembi ndi ŵara, ŵatinge,

Marko 15:31

Viyo so ŵazukuru ŵara nawo, ŵakumtombozga pamoza ndi ŵalembi, ŵanenanga, “Wangupozomoska ŵanyake; kweni kuti ngwanthazi kujipozomoska cha.

Marko 15:32

Kristu yo, Karonga waku Yisraele, wasike sono ku mphinjika yo, alinga tiwone ndi tivwane.” Ndipo wo ŵangupayikika pamoza nayo nawo ŵamuweranga.

Luka 23:35

Ndipo lamanga khamu lo lakulereze. Ndipo ŵara nawo ŵamtozanga, ŵakuti, “Ŵanyake wanguŵataska; wajitaske mweneko, asani ndi Kristu waku Chiuta, wakusankhika wake.”

Luka 23:37

ndi ŵakuti, “Asani iwe ndiwe karonga wa ŵaYuda, ujitaske wamweni.”