Mateyu 27:35 - Tonga Bible 1986

³⁵ Ndipo ŵati ŵampayika ŵangugaŵana minjirira yake, pakupong'a mphenduzga:

Mateyu 27:35 Referans Kwoze

Sumu 22:18

ŵagaŵizgana minjirira yangu, ndipo pa chivwaru changu ŵapong'a mphenduzga.

Luka 23:34

Ndipo Yesu wanguti, “Ada, ŵarekeni chifukwa kuti ŵaziŵa cha cho ŵachita.” Ndipo pakugaŵana minjirira yake, ŵangupong'a mphenduzga.

Machitidu gha Ŵakutumika 4:10

kuziŵikwe kwaku mose, ndi ku khamu lose laku Yisraele, kuti mu zina laku Yesu Kristu waku Nazarete, mweniyo imwe mungupayika, Mweniyo Chiuta wanguyuska ku ŵakufwa, mwaku iyo munthu uyu watuma paurongo pinu wakuchizgika.

Sumu 22:16

Inya, ŵagaru ŵandizingirizga; mpingu wa ŵakuchita uheni wandikwetere; ŵarasa manja ghangu ndi marundi ghangu.

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

Yohane 20:20

Ndipo wachikamba chenichi, wanguŵarongo manja ghake ndi liŵaghara lake. Viyo ŵangukondwere ŵasambizi wo, ŵachiŵawona Ambuya.

Yohane 20:25

Viyo ŵasambizi ŵanyake wangumnene, “Taŵawona Ambuya!” Kweni iyo wanguŵanene, “Kwambura kuti ndawona mu manja ghake mabamba gha mizumali yo, ndi kuweskamo munwi wangu mo mizumali yingukhomeka, ndi kuŵika janja langu mu liŵaghara lake, kuti nkhavwananga cha.”

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.