Mateyu 27:18 - Tonga Bible 1986

¹⁸ Chifukwa wanguziŵa kuti nchifukwa cha chiŵinu ndichu ŵangumpereke.

Mateyu 27:18 Referans Kwoze

Nthanthi 27:4

Chikwiya mbukari, ukari uphwanya, kweni njani wangamiya sanje?

Machitidu gha Ŵakutumika 5:17

Kweni wangusoka mzukuru mura ndi wose ŵa pamoza nayo (pakuŵa mphambuku wa ŵaSaduki), ndipo wanguzazika bina,

Marko 15:10

Chifukwa wanguteska kuti pa chifukwa cha bina ndicho ŵazukuru ŵara ŵangumkombole.

Yakobe 4:5

Pamwenga kumbi murunguruka kuti lembo lo likamba waka, “Wanweke kwasanji mzimu wo wajariska mwidu?”

Machitidu gha Ŵakutumika 13:45

Kweni ŵaYuda ŵachiwona mizinda yo, ŵanguzazika sanji, ndipo ŵasuskanga vyo vingukambika ndi Paulo, ndi ŵamtukanga.

Machitidu gha Ŵakutumika 7:9

“Ndipo ŵambuya wo pakuchitiya Yosefe chiŵinu, ŵangumuguliska ku Egipiti; kweni Chiuta wenga nayo,

Chiyambo 37:11

Ndipo ŵana ŵanyake ŵanguchita nayo sanji, kweni awiske ŵangusunga mu mutu cho wangukamba.

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Sumu 106:16

Mu ugoŵi ŵanguchita sanji ndi Mosese, pamoza ndi Aroni, ŵakupaturika ŵa Ambuya,

Mateyu 27:17

Viyo ŵati ŵaunjikana iwo, wanguŵafumba Pilato, “Mukhumba ndikufwatuliyeni yani? Baraba, pamwenga Yesu yo wazumbulika Kristu?”

Mateyu 27:19

Kweni wachija iyo pa chakweruzgiyapo, muwoli wake wangumutumiya mazu, wakuti, “Uŵevi kanthu ndi murunji mweniyo; chifukwa le mu lotu ndakomwiyapo vinandi pa chifwa chake.”