Mateyu 26:63 - Tonga Bible 1986

⁶³ Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

Mateyu 26:63 Referans Kwoze

ŴaLevi 5:1

“Asani we yose walakwa, mwakuti watuvwa mazu ghakudana ghakufumbika kuti wasimikizge ukaboni wake, manyi ngwakuti wanguwona pamwenga waziŵa makani gho, kweni kuti wasumuwacha, wakapinganga kwananga kwake.

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Yesaya 53:7

Wangusuzgika, ndi wangusunjizgika, kweni kuti wangubanuwa mlomo wake cha; nge ndi mberere yakurongozgeke kukubayika, ndi uli ndi mberere yo yili cheti paurongo pa ŵakuyisanga, viyo kuti wangubanuwa mlomo wake cha.

Mateyu 27:12

Ndipo wachisumulika ndi ŵazukuru ŵara ndi ŵara, kuti wangwamuka kanthu cha.

1 Samuele 14:26

Po ŵanguseremo, ehe, uchi wanthonanga, kweni pengavi yumoza yo wangwesa kuto janja kuŵika ku mlomo; chifukwa ŵanthu ŵangutenthema rapu.

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 19:9

ndipo wangusere so mu mphara, wanena ndi Yesu, “Iwe we wa nunkhu?” Kweni Yesu kuti wangumwamuka kanthu cha.

Yohane 19:7

ŴaYuda ŵangumwamuka, “Ifwe te nalo langulu, ndipo mwa langulu lenilo watenere kufwa, pakuti wajisanduska Mwana waku Chiuta.”

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

Yohane 10:30

Ine ndi Ada te ŵamoza.”

Yohane 10:24

Viyo ŵaYuda ŵangumzingiriya, ndipo ŵangumfumba, “Mpaka zuŵanji utisoronge mtima? Asani ndiwe Kristu, utinene pakweru.”

Yohane 8:25

Iwo ŵamneniyanga, “Iwe ndiwe yani?” Yesu wanguŵanene, “Uli ndimo ndarongorole namwe kutuwa ku chiyambo.

Yohane 6:69

Ndipo ifwe tavwana ndipo taziŵa kuti imwe ndimwe wakupaturika yo waku Chiuta.”

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Yohane 1:34

Ndawona ine, ndipo ndasimikizga kuti Mwenuyu ndi Mwana waku Chiuta.”

Marko 14:61

Kweni wanguchetama iyo, kuti wangwamukapo kanthu cha. Mzukuru mura yo wangumfumba so, watiti kwaku iyo, “Kumbi iwe ndiwe Kristu, Mwana wa Mtumbikiki Yo?”

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Mateyu 27:40

ŵakuti, “Wakubwanganduwa kasopi we, ndi wakumuzenga mu mazuŵa ghatatu, jitaske: asani we Mwana waku Chiuta, sika ku mphinjika yo.”

Mateyu 27:14

Ndipo kuti wangwamuka cha, chingana nkhu mazu ghamoza, viyo kuti nduna yo yinguzizwa ukongwa.

Danyele 3:16

Shadreke, Mesheke, ndi Abedenego ŵangumwamuka karonga Nebukadanezara kuti, “Ehe! kukhumbikwa cha kuti timwamukeni pa makani yagha.

Nthanthi 29:24

Yo wakwatikana ndi munkhungu watinkha umoyo wake; watuvwa kutemba kweni kuti wasumuwa kanthu cha.

2 Mikoka 18:15

Kweni karonga wanguti kwaku iyo, “Kumbi ndikurapiske karinga kuti undikambiye uneneska pe mu zina laku Chiuta?”

1 ŴaKaronga 22:16

Kweni karonga wanguti kwaku iyo, “Ndikakulumbiriskanga kalinga mwakuti ukambe kanyake cha, kweni uneneska pe mu zina la Ambuya?”

1 Samuele 14:28

Viyo yumoza wamu ŵanthu wanguti, “Ausu ŵa ŵarapiya ukongwa ŵanthu, kuti, ‘Watembeke munthu yo warghenge kurgha msana wale.’ ” (Ndipo ŵanthu ŵanguvuka.)

1 Petro 2:23

wachinyozeka iyo, kuti wanyozanga cha; wachikomwa, kuti wafinganga cha, kweni wajiperekanga kwaku mweniyo wateruzga kwaurunji.

1 Samuele 14:24

ŴaYisraele ŵangusuzgika zuŵa liya; pakuti Sauli wangurapa rapu pa ŵanthu lakuti, “Watembeke munthu yo warghenge kurgha mpaka mazulo, mwakuti ndidange ndawezge nduza ŵarwani ŵangu.” Ndipo viyo pengavi munthu yo wangweska kurgha.

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Mateyu 4:3

Ndipo wakwesa yo wanguza wangunena nayo, “Asani we Mwana waku Chiuta, nene mya iyi kuti yiŵe viŵande.”

Mateyu 26:62

Ndipo mzukuru mura, wati wasoka, wanguti kwaku iyo, “Kumbi utamuka kanthu cha? Nchine cho ŵatikusimikizgiya yaŵa?”

2 ŴaKorinte 1:19

Chifukwa Mwana waku Chiuta, Yesu Kristu, wakumemezeke mwinu ndi ifwe, nadi ndi Silvano, Timote ndi ine, kuti wenga Inya ndi Awa cha; kweni mwaku iyo nyengo yose waŵa Inya.