Mateyu 26:61 - Tonga Bible 1986

⁶¹ wo ŵanguti, “Mwenuyu wanguti, ‘Nde wanthazi kwananga kasopi waku Chiuta, ndi kumuzenga so mu mazuŵa ghatatu.’ ”

Mateyu 26:61 Referans Kwoze

Mateyu 27:40

ŵakuti, “Wakubwanganduwa kasopi we, ndi wakumuzenga mu mazuŵa ghatatu, jitaske: asani we Mwana waku Chiuta, sika ku mphinjika yo.”

Marko 15:29

Ndipo ŵakudumuwapo ŵamtukanga, ŵakupuking'a mitu yawo, ŵakuti, “Aha! Wakubwanganduwa kasopi we, ndi wakumuzenga mu mazuŵa ghatatu;

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Machitidu gha Ŵakutumika 22:22

Ndipo ŵamuvwanga mpaka pa mazu gho; ndipo ŵangusamphuska mazu, ŵakuti, “Mtuzgepo pa charu waviyo: chifukwa kuti kuyamu cha kuti waje wamoyo!”

Machitidu gha Ŵakutumika 18:13

ŵakuti, “Mwenuyu wakopa ŵanthu kusopa Chiuta kwakupambana ndi chilangulu.”

Machitidu gha Ŵakutumika 17:18

Ndipo ŵanyake ŵanjazeru ŵaEpikuro ndi ŵaStoa ŵangukumana nayo. Ndipo ŵanyake ŵatinge, “Wangakambanji mbwebweta uyu?” Ndi ŵanyake, “Wawoneka kuŵa mtaula wa vyachiuta vilendo;” chifukwa wataulanga Yesu ndi chiyuka cho.

Yohane 9:29

Tiziŵa ifwe kuti Chiuta wangurongoro kwaku Mosese, kweni ghapa munthu uyu, kuti tiziŵa cha ko watuwa.”

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Mateyu 26:71

Ndipo wati watuliya kubwaro ku likomu, munthukazi munyake wangumuwona, ndipo watiti kwaku wo ŵenga kweniko, “Mwenuyu nayo wenga pamoza ndi Yesu waku Nazarete.”

Mateyu 12:24

Kweni ŵati ŵavwa ŵaFarisi ŵanguti, “Uyu kuti watuzga ŵademone ndi kanthu kanyake cha kweni ndi Belzebule, fumu ya ŵademone.”

2 ŴaKaronga 9:11

Penipo Yehu wangutuliya ku ŵateŵeti ŵa mbuyake, iwo ŵanguti kwaku iyo, “Kumbi kwe umampha? Wanguziyanji kwaku iwe wakufuntha uyu?” Iyo wanguti kwaku wo, “Imwe namwe mutumiziŵa munthu uyu ndi kakambidu kake.”

1 ŴaKaronga 22:27

Mukanene kuti, ‘Viyo ndimu wanene karonga, “Uyu munthu mumuŵike mu nyumba ya magoŵa, ndipo mumurghiske kurgha kumanavi ndi maji ghamanavi, mpaka po ine ndaza mu chimangu.” ’ ”

Chiyambo 19:9

Kweni iwo ŵanguti, “Tuwako!” Ndipo ŵanguti, “Uyu munthu wanguza wakuyingayinga, ndipo watijisanduska mweruzgi! Sono tikusauskenge ukongwa kwakuruske iwo.” Sono ŵangumututuzga ukongwa Lote ndipo ŵangundere pafupi kuti ŵaswe chisasa.

Mateyu 26:62

Ndipo mzukuru mura, wati wasoka, wanguti kwaku iyo, “Kumbi utamuka kanthu cha? Nchine cho ŵatikusimikizgiya yaŵa?”

Mateyu 27:5

Ndipo wati wapong'a pasi vyasiliva vyo mu kasopi, wanguruta; ndipo wakutuwako wangujigwinjiriya.

Marko 14:58

“Ifwe tingumuvwa wachikamba kuti, ‘Ine nkhabwanganduwanga kasopi uyu wakuzengeka ndi manja, ndipo mu mazuŵa ghatatu nkhazenganga munyake wambura kuzengeka ndi manja.’ ”