Mateyu 25:46 - Tonga Bible 1986

⁴⁶ Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Mateyu 25:46 Referans Kwoze

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Yohane 3:36

Yo ngwakuvwana mu Mwana we nawo umoyo wamuyaya; kweni yo wareka kuvwana mu Mwana, kuti wamwona umoyo cha, kweni kandundu kaku Chiuta kajaririya paku iyo.

Yohane 5:29

Ndipo ŵakatuwangamu; wo mbakuchita umampha ku chiyuka cha umoyo; kweni wo mbakuchita viheni kuchiyuka cha chisusa.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 20:15

Ndipo asani munthu wengavi kusanirika kulembeka mu buku lo la umoyo, wangupong'eka mu nyanja ya moto.

2 ŴaTesalonika 1:9

Aŵa wose ŵakalangikanga ndi phasulu lamuyaya lakutuliya ku chisku cha Ambuya ndi ku unkhankhu wa nthazi zake,

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Machitidu gha Ŵakutumika 24:15

pakuŵa ndi chigomekezgu mwaku Chiuta, chenicho iwo nawo ŵeneko ŵalereze, kuti chiŵengepo chiyuka cha ŵarunji ndi ŵaziraurunji.

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.

ŴaGalatia 6:8

Pakuti wakumijiya ku liŵavu lake, ku liŵavu lo wakavunanga chivuzi; kweni yo ngwakumijiya ku Mzimu, ku Mzimu yo wakavunanga umoyo wamuyaya.

Luka 16:26

Ndipo paku vyose vyenivi pakati pidu ndi pinu chinkhwau chikuru chajarikika, chakuti akukhumba panu kwambukiya kwinu ŵangaŵanga ŵanthazi cha, ndipo kutuwa kweniko ŵangambukiya kwaku ifwe cha.’

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Mateyu 19:29

Ndipo yose yo wasiya zinyumba, pamwenga ŵabali, ŵazichi, wiske, nyina, ŵana pamwenga vyaru, pa chifukwa cha zina langu, wamronde mbwerezga ya machumi pe chumi, ndipo waharenge umoyo wamuyaya.

Mateyu 13:43

Penipo ŵarunji ŵaŵalenge nge ndi dazi mu ufumu wa Auskeu. Wakuŵa ndi makutu yo, wavwe.

Yuda 1:21

mujisunge mu chanju chaku Chiuta, ndi kulereze lisungu la Ambuyafwe Yesu Kristu la ku umoyo wamuyaya.

Mateyu 19:16

Ndipo yumoza wanguza, ndi wamunene, “Muwomba, ndichitenge chamampha chauli, mwakuti ndiŵe ndi umoyo wamuyaya?”

Mateyu 25:45

Sono waŵamukenge, wakuti, ‘Ndikuneneskiyani, mwakuti mwengavi kuchitiya yumoza waku wo ŵamanako kwakuruska, kuti munguchitiya ine cha.’

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Machitidu gha Ŵakutumika 13:46

Kweni Paulo ndi Barnaba ŵangugangiya, kuti “Kungwenere kuti mazu ghaku Chiuta ghakambike danga kwaku imwe. Kweni imwe mutighapata ndipo mujesa ŵambura kwenere umoyo wo wamuyaya, awonani, ting'anamukiya ku Mitundu yo.

Machitidu gha Ŵakutumika 13:48

Ndipo ŵachivwa ŵaMitundu ŵakondwanga, ndipo ŵakankhuskanga mazu ghaku Chiuta: ndipo ŵanguvwana wo wose ŵangutemeke ku umoyo wamuyaya.