Mateyu 25:45 - Tonga Bible 1986

⁴⁵ Sono waŵamukenge, wakuti, ‘Ndikuneneskiyani, mwakuti mwengavi kuchitiya yumoza waku wo ŵamanako kwakuruska, kuti munguchitiya ine cha.’

Mateyu 25:45 Referans Kwoze

Nthanthi 21:13

Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.

Nthanthi 17:5

Mweniyo wanyoza wakusauka watuka Mulengi wake; mweniyo ngwakukondwa pa soka kuti walekekenge kulangika cha.

Machitidu gha Ŵakutumika 9:5

Saulo wanguti, “Mwe ayani, Ambuya?” Ndipo iyo wali, “Ine ndine Yesu mweniyo uŵemba iwe;

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Nthanthi 14:31

Mweniyo wasauska munthu wakusauka watuka Mulengi wake, kweni mweniyo ngwawezi ku wakusauka watimutumbika.

Sumu 105:15

Wanguti, “Rekani kukwaska ŵateŵeti ŵangu ŵakusankhika; ŵamchimi ŵangu mungaŵachitiyanga uheni cha!”

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Maŵerengedu 24:9

Wangula pasi, wangugona nge ndi nkharamu, ndipo nge ndi nkharamu yinthukazi; yo wakamuyuskanga njani? Watumbikike yose yo watumbika iwe, ndipo watembeke yose yo watemba iwe.”

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

Mateyu 10:41

Yo waronde mchimi mu zina la umchimi, warondenge mphotu ya mchimi; ndipo yo waronde mrunji mu zina la urunji wake, mphotu ya mrunji warondenge.

Mateyu 25:44

Sono iwo nawo ŵamukenge, kuti, ‘Ambuya, tingukuwonani zuŵanji wanja, pamwenga wanyota, pamwenga mlendo, pamwenga wankhuli, pamwenga wakutama, pamwenga mu ulinda, ndipo tengavi kukuteŵetiyani?’

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

1 ŴaKorinte 8:12

Ndipo pakulakwiya ŵabali wo, ndi pakulasa njuŵi zawo zakutomboloka, mulakwiya Kristu,