Mateyu 25:44 - Tonga Bible 1986

⁴⁴ Sono iwo nawo ŵamukenge, kuti, ‘Ambuya, tingukuwonani zuŵanji wanja, pamwenga wanyota, pamwenga mlendo, pamwenga wankhuli, pamwenga wakutama, pamwenga mu ulinda, ndipo tengavi kukuteŵetiyani?’

Mateyu 25:44 Referans Kwoze

Luka 10:29

Kweni iyo, pakukhumba jujirunjiska, wanguti kwaku Yesu, “Ndipo ndi yani mwanase wangu?”

Mateyu 7:22

Ŵanandi ŵanenenge nane mu zuŵa liya, ‘Ambuya, Ambuya, asi tingutauliya mu zina linu, ndi mu zina linu tingutuzgiya ŵademone, ndi mu zina linu tinguchitiya vyanthazi vinandi?’

Malaki 3:13

“Mazu ghinu ghaŵa ghazitu kwaku ine, atiti Ambuya. Ndipuuli mutiti, ‘Taŵereŵeta uli kumikana ndi imwe?’

Malaki 2:17

Mwavukiska Ambuya ndi mazu ghinu. Ndipuuli mutiti, “Taŵavukiska uli?” Pakukamba kuti, “Yose yo wachita uheni ngwamampha mu maso gha Ambuya, ndipo akondwa nayo.” Pamwenga pakufumba kuti, “Wepani Chiuta wa urunji?”

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Yeremiya 2:35

imwe mutiti, ‘Ndilivi kalema, kwakuneneska ukari wake watuwako kwangu.’ Ehe, ndikakutoliyanga ku cheruzgu pakuti wanena kuti, ‘Ndilivi kwananga.’

Yeremiya 2:23

Kumbi mungakamba uli kuti, ‘Ndakazuzgika cha, kuti ndandondoloska ŵaBala cha.’? Lereskani pa nthowa yinu muchidika, ziŵani cho mwachita, gamila mu mana wa mtafu wakwendayenda kosekose.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Mateyu 10:41

Yo waronde mchimi mu zina la umchimi, warondenge mphotu ya mchimi; ndipo yo waronde mrunji mu zina la urunji wake, mphotu ya mrunji warondenge.

Mateyu 25:43

ndenga mlendo, ndipo kuti mungundironde cha; wankhuli, ndipo kuti munguvwarika cha: wakutama, ndi mu ulinda, ndipo kuti munguchezga nane cha.’

Mateyu 25:45

Sono waŵamukenge, wakuti, ‘Ndikuneneskiyani, mwakuti mwengavi kuchitiya yumoza waku wo ŵamanako kwakuruska, kuti munguchitiya ine cha.’