Mateyu 25:1 - Tonga Bible 1986

¹ “Penipo ufumu wa kuchanya ulinganizgikenge ku mbeta chumi, zenizo zinguti zato nyali zawo, zingutuwa kwachikumana ndi mweni-nthengwa.

Mateyu 25:1 Referans Kwoze

Chivumbuzi 19:7

Tisangaruke ndi tikondwe ukongwa: tipaske iyo unkhankhu: pakuti yafika nthengwa ya Mwana-mberere yo, ndipo muwoli wake wajirongoso.

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”

Chivumbuzi 21:2

Ndipo ndinguwona msumba wakupaturika wo, Yerusalemu mufya, wakusikako kuchanya kutuliya kwaku Chiuta, wakurongosoleka nge ndi mwali wanthengwa wakuvwarikikiya mrumi wake.

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Mateyu 13:24

Ntharika yinyake wanguŵakambiya, wakuti, “Ufumu wakuchanya ukozgana ndi munthu wakumija mbeu yamampha mu munda wake;

Yesaya 54:5

Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.

Chivumbuzi 14:4

Yaŵa mbeniwo ŵengavi kukazuzgika ndi ŵanthukazi; chifukwa ndi zimbeto. Yaŵa mbeniwo ŵarondo Mwana-mberere yo kweniko kose watiya. Yaŵa mbeniwo ŵakuwomboleka mu ŵanthu, kuŵa mruwuku kwaku Chiuta ndi ku Mwana-mberere yo.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

Mateyu 22:2

“Ufumu wa kuchanya ukozgana ndi munthu karonga, mweniyo wangubikiya mwana wake zowara,

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

Mateyu 3:2

“Ng'anamukani; chifukwa waŵandika ufumu wa kuchanya.”

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

1 ŴaKorinte 11:2

Sono ndimrumbani kuti mu vinthu vyose mwandikumbuka, ndi kuti mwasungirizga midauku yo, uli ndimo ndinguyipereke kwinu.

Mateyu 20:1

“Chifukwa ufumu wa kuchanya ukozgana ndi munthu, mweninyumba, yo wangutuwa pa nyengo ya mlenji kwachilembera ŵanchitu ku munda wake wa mphereska.

Mateyu 13:47

“Panyake, ufumu wakuchanya ukozgana ndi mukwau wakupong'eka mu nyanja, ndi wakuzinga za mtundu we wose,

Sumu 45:14

mu vyakuvwara vya kujeduka warongozgeke ku karonga, pamoza ndi ŵamwali ŵake, ŵakwachimulinda.

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Sumu ya Zisumu 5:8

Ndimurapiskiyani, mwaŵana ŵanthukazi ŵaku Yerusalemu, asani mwamusaniya nkhwanjiwa wangu, mumunene kuti, ndatama ndi chanju.

Chivumbuzi 4:5

Ndipo mu chitengu-chaufumu cho ghangutuwamo malimphezi ndi mazu ndi vidiririzi. Ndipo ghengapo malimbuni ghankhonde ndi ghaŵi gha moto ghakukole pauronga pa chitengu-chaufumu cho, ghenigho mbazimu ŵankhonde ndi ŵaŵi ŵaku Chiuta;

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

Mateyu 9:15

Yesu wanguŵanene, “Kumbi ŵangatenje ŵana ŵanthengwa, penipo mweninthengwa we nawo pamoza? Kweni ghazenge mazuŵa ndipo wampokeka kwaku wo mweni-nthengwa, ndipo ŵafungenge penipo.

Mateyu 5:16

Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

Machitidu gha Ŵakutumika 20:8

Ndipo mwenga malumbuni ghanandi mu chipinda chamuchanya mo tinguwungana.

Mateyu 13:31

Ntharika yinyake wanguŵakambiya, wakuti, “Ufumu wakuchanya ngwakukozgana ndi nje ya kamganje, yeniyo munthu wanguto, ndi wangumija mu munda wake:

Sumu ya Zisumu 5:16

Makambidu ghake nga kunowa kwakufikapo, ndipo nadi ngwakukhumbikwa. Uyu ndiyo nkhwanjiwa wangu, uyu ndi bwezi langu. Okwe mwaŵana ŵanthukazi ŵaku Yerusalemu.

Sumu ya Zisumu 1:3

mafuta ghako ghakupaka nga chema, zina lako ndi mafuta ghakupungulika; mu chifukwa cho ŵamwali ŵatukwanja.

Mateyu 25:7

Sono zinguyuka mbeta zo zose, ndi zingunozga nyali zawo.

Yohane 18:3

Viyo Yuda, wakuŵa ndi liŵanja ndi ŵamirizi ŵakutuwa ku ŵazukuru ŵara ndi ŵaFarisi, ŵanguza kwenikuwa ndi ŵenge ndi malimbuni ndi vidya.

Chivumbuzi 8:10

Ndipo wangukuŵa mungelo wachitatu, ndipo kutuwa kuchanya yinguwa nyenyezi yikuru, yakukole nge ndi limbuni, ndipo yinguwa pa chigaŵa chachitatu cha misinji, ndi pa visima vya maji.