Mateyu 24:45 - Tonga Bible 1986

⁴⁵ “Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake?

Mateyu 24:45 Referans Kwoze

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Mateyu 25:23

Wanguti kwaku iyo mbuyake, ‘Nchamampha, muŵanda wamampha ndi wamagomekezgeka we, pa vinthu vimanavi waŵa wamagomekezgeka ndikuŵikenge pa vinandi; sere mu chimwemwe cha mbuyako.’

ŴaHebere 3:5

Ndipo Mosese nadi wenga wamagomekezgeka mu nyumba yake yose nge ngwakuteŵeta, kuti waŵe kaboni waku vyo vitakambikanga;

2 Timote 2:2

Ndipo vyenivyo wavwa kwangu mu ŵakaboni ŵanandi, vyenivyo sambizganga ŵanthu ŵamagomekezgeke, wo ŵaŵenge ŵakwenere kwachisambizga ŵanyake nawo.

1 Timote 1:12

Nditumuwonga yo wangundinthaziska, Kristu Yesu Ambuyafwe, mwakuti wangundipima wamagomekezgeka, pakujiŵikiya ine mu uteŵeti;

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Luka 19:17

Ndipo wanguti kwaku iyo, ‘Umampha, muŵanda wamampha we: pakuti mu kamanavi unguŵa wamagomekezgeka, uŵe wamtufu pa mizi chumi.’

Mateyu 13:52

Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Mateyu 25:2

Zinkhonde mwaku zo zenga zizereza, ndi zinkhonde zenga zazeru.

Mateyu 7:24

“Viyo yose yo watuvwa mazu ghangu ghenagha, ndi waghachita, walinganizgikenge ku munthu wazeru, mweniyo wanguzenga nyumba yake pa jarawe:

Ezekiele 34:2

“Mwana wa munthu, uchimi kumikana ndi ŵaliska ŵaku Yisraele, chima, uŵanene kuti, inya ku ŵaliska, Viyo atiti Ambuya Chiuta: Owe, ŵaliska ŵaku Yisraele imwe mwajiriska mwaŵeni! Kumbi asi ŵaliska ŵatenere kuliska mberere?

Nthanthi 14:35

Mteŵeti yo wachita kwa zeru wendi mwaŵi wa karonga, kweni ukari wake utuwa paku yo watakataka kwakulengeska.

Nthanthi 28:20

Munthu wamagomekezgeka wakazalanga ndi vitumbiku, kweni mweniyo watunthumiya kusambasa kuti warekenge kulangika cha.

Mateyu 24:46

Ngwamwaŵi muŵanda yo, mweniyo mbuyake wachiza wamsaniyenge ngwakuchita viyo!

Chituwa 36:4

viyo kuti ŵamisiri wose wo ŵachitanga nchitu pa nyumba yakupaturika ŵanguza, we yose kutuwa ku nchitu yo wachitanga,

Ruti 2:6

Ndipo mteŵeti yo wangwamuka kuti, “Mwali uyu ndi muMoabu yo wakuza ndi Naomi kutuwa ku charu cha Moabu.

Ezekiele 46:24

Ndipo wangunena nane, “Yagha ndi mavinya ndimu ŵakuteŵeta mu kasopi ŵakabikanga sembe za ŵanthu.”