Mateyu 24:43 - Tonga Bible 1986

⁴³ Kweni chenichi ziŵani, kuti asani mweni-nyumba wanguziŵa lindu mwaku lenilo munkhungu wangaziya mphanyi wangukhazga, ndipo kuti watinge wazomerezgenge cha kubukutulika nyumba yake.

Mateyu 24:43 Referans Kwoze

Luka 12:39

Kweni ziŵani chenichi, kuti asani wanguziŵa mweninyumba ora lakuti munkhungu yo waziyenge, mphanyi wangukhazga, ndi mphanyi kuti wangureka nyumba yake kubukutulika cha.

Mateyu 24:44

Chifukwa chenichi imwe namwe muŵe ŵakurongosoleka: chifukwa Mwana wa munthu wazenge mu ora lenilo mulive kurunguruka.

Mateyu 20:11

Ndipo ŵati ŵaronde ŵajumiyanga pa mweninyumba,

Nthanthi 7:19

Pakuti murumu wangu kuti wemu nyumba cha; waruta pa ulendo utali;

Mateyu 14:25

Ndipo mu lindu lachinayi la usiku wanguza kwaku wo, wakwenda pa nyanja.

Mateyu 24:42

Viyo khazgani: pakuti mulive kuziŵa zuŵa mwaku lenilo Ambuyamwe ŵaziyenge.

Mateyu 25:10

Ndipo zichiruta kwachigula, wanguza mweni-nthengwa yo; ndipo zakurongosoleka zingusere pamoza nayo ku zowara, ndipo chingujarika chisasa.

Mateyu 25:13

Viyo khazgani, pakuti mulive kuliziŵa zuŵa chingana ndi ora.

Marko 6:48

Ndipo wachiŵawona ŵakusuzgika mu kuvuŵa, chifukwa mphepu yenga ku musu pafupi pa lindu lachinayi la usiku watuza kwaku wo, wakwenda pa nyanja; ndipo wakhumbanga kuŵarutiriya,

Marko 13:35

Khazgani viyo: chifukwa kuti muziŵa cha po mweni-nyumba wakaziyanga, manyi nkhu mazuro, manyi ndi usiku pakati, pamwe pa tambala kokoŵereka, pamwe ku mlenji,

Luka 12:38

Ndipo asani wazenge mu lindu lachiŵi, ndi asani mu lachitatu, ndipo wasaniyenge viyo, mbamwaŵi iwo.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)

Jobu 24:16

Mu mdima ŵakumba ndi kutoro nyumba; zo ŵazipachiya ndi msana; ukweru kuti ŵatiuziŵa cha.