Mateyu 24:36 - Tonga Bible 1986

³⁶ “Kweni vya zuŵa lo ndi ora lake palive yumoza waziŵa, chingana mbangelo ŵa kuchanya, chingana ndi Mwana iyo, kweni Ada pe ŵija.

Mateyu 24:36 Referans Kwoze

Marko 13:32

“Kweni vya zuŵa liya pamwenga ora lo palive yumoza waziŵa, chingana mbangelo kuchanya, chingana ndi Mwana yo, kweni Ada pe.

Machitidu gha Ŵakutumika 1:7

Kweni wanguŵanene, “Kuti nkhwaku imwe cha kuziŵa zinyengo pamwenga virimika vyo Dada wateme mu mtufu waku yija.

Mateyu 24:44

Chifukwa chenichi imwe namwe muŵe ŵakurongosoleka: chifukwa Mwana wa munthu wazenge mu ora lenilo mulive kurunguruka.

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

1 ŴaTesalonika 5:2

Chifukwa mwaŵeni muziŵiya limu kuti nge ndi munkhungu ndi usiku viyo lizenge zuŵa lo, la Ambuya.

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)

Mateyu 24:42

Viyo khazgani: pakuti mulive kuziŵa zuŵa mwaku lenilo Ambuyamwe ŵaziyenge.

Mateyu 25:13

Viyo khazgani, pakuti mulive kuliziŵa zuŵa chingana ndi ora.

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.

Zekariya 14:7

Ndipo kuŵenge zuŵa lambura kumara (kuziŵika ndi Ambuya), msana cha pamwenga usiku, chifukwa ndi mazulo so kuŵenge kungweruka.