Mateyu 24:35 - Tonga Bible 1986

³⁵ Kuchanya ndi pasi virutenge, kweni mazu ghangu kuti gharutenge cha.

Mateyu 24:35 Referans Kwoze

Yesaya 40:8

Uteka ufota, luŵa lisanduka; kweni mazu ghaku Chiuta widu ghakamanga muyaya.

1 Petro 1:25

kweni nenedu lo la Mbuya lijaririya muyaya.” Ndipo lenili ndi nenedu lenilo litaulikiya kwaku imwe.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Yesaya 55:11

viyo ndimu ghakaŵiyanga mazu ghakutuwa mu mlomo wangu; kuti ghakawerenga kwangu ghambura kanthu cha, kweni ghakafiskanga chinecho ndakhumba, ndi kusakata mu chinthu cho ndingughatumiyako.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Nthanthi 30:5

Mazu ghose ghaku Chiuta ghasimika uneneska; iyo ndi nguru kwaku wo ŵabisama mwake.

Yesaya 51:6

Soskiyani maso ghinu kuchanya, lereskani kusi kwa charu chapasi, pakuti machanya ghakawalanga uli ndi usi, charu chapasi chikachujukanga uli nchivwalo, ndipo ŵeniwo ŵaja mwaku cho ŵakafwanga uli mbuzuzu; kweni utaski wangu ukaŵanga wa muyaya, uwombozi wangu kuti ukamaranga cha.

Yesaya 54:10

Pakuti mapiri ghangaruta mitunthu yinganderezgeka, kweni chanju changu chakufikapo kuti chikatuwangako kwako cha, phanganu langu la chimangu kuti likanderezgekanga cha, atiti Ambuya, wo ŵe ndi chitima paku iwe.

Sumu 89:34

Phanganu langu kuti ndikaswanga cha, nanga nkhusinthiya panyake masu gho ghakutuwa mu mlomo wangu.

Tito 1:2

mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

Sumu 102:26

Vyose vikamaranga, kweni imwe mukajaririyanga; vyose vikachujukanga nge vyakuvwara. Imwe mukavisinthanga nge ndi maraya, ndipo vikamaranga.

Sumu 19:7

Dangu la Ambuya ndamampha kwakufikapo, liwerezgemo mzimu; chisimisimi cha Ambuya nchakukho, muzereza chitumusanduska wazeru;

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Chivumbuzi 6:14

Ndipo kuchanya kungukungunuka ulaka ndi buku lo lazingika pamoza; ndipo phiri le lose ndi chirwa che chose vingunderezgeka mu malo ghawo,

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Yesaya 34:4

Liŵanja lose la kuchanya likavundanga, ndipo uli ndi mapepara mitambo yikazingikanga. Liŵanja lawo lose likawanga, nge ndimo mani ghawiya kutuwa ku mphereska, nge ndi mani ghatuwa kutuwa ku mkuyu.

Sumu 119:89

Ambuya, mazu, ghinu ghakajaririyanga muyaya; ghakukhozgeka kuchanya.

Marko 13:31

Kuchanya ndi pasi vikarutanga: kweni mazu ghangu kuti ghakarutanga cha.

Luka 21:33

Kuchanya ndi panupasi virutenge; kweni mazu ghangu kuti gharutenge cha.

Danyele 4:28

Chose ichi chinguza pa karonga Nebukadanezara.