Mateyu 24:30 - Tonga Bible 1986

³⁰ sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Mateyu 24:30 Referans Kwoze

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Machitidu gha Ŵakutumika 1:11

wo nawo ŵanguti, “Mwaŵanthu ŵaGalile, mwamiyanji ŵakulereska kuchanya? Mwenuyu Yesu, yo warondekako kwinu kuruta kuchanya wamkuza viyo mo mwamwone wachiruta kuchanya.”

Mateyu 26:64

Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.”

Luka 21:27

Ndipo sono ŵakamuwonanga Mwana wa munthu wakuza mu mtambo ndi nthazi ndi unkhankhu ukuru.

Mateyu 24:3

Ndipo wachija pasi pa phiri la Olivete, ŵanguza kwake wasambizi wo kuubende, ŵakuti, “Tineniyeni, viŵengepo vyenivyo zuŵanji? Ndipo chiŵenge chine chisimikizgu cha uzi winu, ndi cha umari wa mgonezi wo?”

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

Marko 13:26

Ndipo sono ŵakawonanga Mwana wa munthu wakuziya mu mitambo ndi nthazi yikuru ndi unkhankhu.

Luka 22:69

Kweni kutuwa ku sono Mwana wa munthu wajariyenge pasi ku marghe gha nthazi yaku Chiuta.”

Marko 13:4

“Tineniyeni, vyenivyo vikaŵangapo zuŵanji? Ndipo chisimikizgu chikaŵanga chine chakuti vyenivyo vyose vitenere kufiskika?”

Zekariya 12:11

Mu zuŵa lo muŵenge chitenje chikuru mu Yerusalemu nge nchitenje cha Hadadirimoni mu dambo la Megido.

Mateyu 24:37

Kweni uli ndi mu mazuŵa ghaku Nowa, viyo ndimu uŵiyenge uzi wa Mwana wa munthu.

Mateyu 24:39

ndipo kuti ŵanguziŵa kanthu cha mpaka chazandi cho chinguza, ndi chinguŵakukurwiska wose; viyo ndimu uŵiyenge uzi wa Mwana wa munthu.

Chivumbuzi 12:1

Munthondwe ukuru unguwoneka kuchanya; munthukazi wakuvwarikika dazi, ndi mwezi pasi pa marwayo ghake, pa mutu pake penga ndumbu ya nyenyezi chumi ndi ziŵi.