Mateyu 23:8 - Tonga Bible 1986

⁸ Kweni imwe mungatamulika Rabi cha: chifukwa yumoza ndi msambizgi winu, ndipo mose imwe mwe ŵabali.

Mateyu 23:8 Referans Kwoze

Yakobe 3:1

Mungaŵanga ŵasambizgi ŵanandi, mwa ŵabali ŵangu, pakuziŵa kuti tamronde chisusa chikuru. Chifukwa tose tiguŵa panandi.

1 Petro 5:3

uli mbakutufuliya vigaŵa vinu nako cha, kweni pakuŵa vikozgu vya ku mskambu wo.

Luka 22:32

kweni ine ndinguŵeyerere paku iwe, alinga kuti chingapereŵe cha chivwanu chako; ndipo iwe, utakuti wang'anamuka, khozganga ŵabali ŵako.”

Mateyu 23:10

Ndipo mungatamulika ambuya cha chifukwa yumoza ndi Mbuyamwe, ndiyo Kristu.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

Chivumbuzi 22:9

Ndipo wali kwaku ine, “Awa, na! Ndine muŵanda munyako ndi so wa ŵabali ŵako ŵamchimi wo, ndi waku wo Wasungirizga mazu gha buku lenili. Mlambiye Chiuta.”

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

ŴaEfeso 3:15

kutuwa kwaku mweniyo ŵanambumba wose kuchanya ndi panupasi ŵadanika zina, kuti wapaske imwe;

2 ŴaKorinte 4:5

Chifukwa vyo titaula kuti vyaku taŵeni cha, kweni Kristu Yesu nge ndi Mbuya, ndi taŵeni ulaka mbateŵeti ŵinu pa chifwa chaku Yesu.

2 ŴaKorinte 1:24

kuti nchakuti titufuliyenge pa chivwanu chinu cha, kweni titataliye ifwe pamoza namwe chimwemwe chinu; pakuti mu chivwanu chinu mutuma gwa!

Mateyu 26:49

Ndipo, wanguza kwaku Yesu, ruŵi wanguti, “Mauleni, Rabi”; ndipo wangumufyofyontha.

Mateyu 10:25

Nkhwakukwaniya msambizi kuti waŵe nge ndi msambizgi wake, ndi mteŵeti nge ndi mbuyake. Asani mweninyumba ŵatimzumbuwa Belzebule, uli ukongwa kwakuruska ŵamunyumba yake?

Mateyu 23:7

ndi matauzgo mu maluluwa gha maronda, ndi kutamulika ndi ŵanthu, Rabi.

Mateyu 26:25

Kweni Yuda, yo wangumpachiya, wanguti, “Kumbi ndine, Rabi?” Watiti kwaku iyo, “Iwe wakamba.”

Marko 9:5

Ndipo pakwamuka Petro watiti kwaku Yesu, “Rabi, nkhwamampha kuŵa panu ifwe: tiyeni tichite mahema ghatatu, kwaku imwe limoza, kwaku Mosese limoza, ndi kwaku Eliya limoza.”

Marko 10:51

Yesu wangumfumba wanguti, “Unkhumba kuti ndikuchitiyenji?” Ndipo wanguti wachiburumutiya “Msambizgi, kuti ndilereske.”

Marko 11:21

Ndipo Petro, wachikumbuka, watiti kwaku iyo, “Rabi, awonani, mkuyu wo mungutemba, wamira.”

Marko 14:45

Ndipo wachiza, sosonukweni wangufika kwaku iyo, ndipo watiti, “Rabi”; ndipo wangumufyofyontha.

Yohane 1:38

Ndipo Yesu, wati wang'anamuka, ndi kuŵawona ŵakumrondo, watiti kwaku wo, “Mulembenji?” Iwo ŵangumnene, “Rabi” (cho chititi pakung'anamuka, Msambizgi), “muja pani?”

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Yohane 3:26

Ndipo wanguza kwaku Yohane, wangumnene, “Msambizgi, munthu yo wenga nawe sirgha liya Yordane, kwaku yo iwe wapanikizganga, awona, wabatiza, ndipo wose wamotoke kwaku iyo.”

Yohane 4:31

Penipo ndipo ŵasambizi ŵake ŵamuŵeyerenga, ŵakuti, “Msambizgi rghani.”

Yohane 6:25

Ndipo pakumsaniya ku sirgha linyake la nyanja, ŵangumfumba, “Msambizgi mwaza kunu zuŵanji?”

Yohane 9:2

Ndipo ŵasambizi ŵake ŵangumfumba, ŵakuti, “Msambizgi, wangulakwa njani, mwenuyu pamwe ŵapapi ŵake, kuti wanguwa wachiburumutiya?”

Yohane 11:8

Ŵamnene ŵasambizi, “Msambizi, sono yapa ŵaYuda ŵalembenga kukubayani, ndipo mutiyako so?”

Yohane 20:16

Yesu wanena nayo, “Mariya!” Pakung'anamuka iyo wanena nayo mu chiHebere, “Raboni!” Ko nkhuti, Msambizgi.

Filemone 1:16

uli ndi muŵanda so cha, kweni wakuzungura muŵanda, mbali wakwanjiwa ukongwa viŵi kwaku ine, kweni ukongwako mbwenu kwaku iwe, muliŵavu ndi so mu Ambuya.