Mateyu 23:38 - Tonga Bible 1986

³⁸ Awonani, nyumba yinu yirekeka ndipo njamapopa.

Mateyu 23:38 Referans Kwoze

Yeremiya 22:5

Kweni asani kuti mukaphwerenga mazu yagha cha, ndajirapiska, atiti Ambuya, kuti nyumba iyi yikaŵanga mapopa.

Luka 13:35

Awonani yijowoleke imwe nyumba yinu: ndipo ndikuneniyani, kuti mundiwonenge so cha, mpaka mwazamkamba, ‘Ngwakutumbikika yo watuziya mu zina la Mbuya.’ ”

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Luka 21:20

“Kweni penipo mukawonanga Yerusalemu wazungurizgika ndi maugoŵi, ziŵani penipo kuti laŵandika phasulu lake.

Luka 21:6

“Vyose ivi muwona, ghazenge mazuŵa mwaku ghenigho kuti urekekenge po panu cha mwa pa mwa, weniwo urekenge kugadabulika.”

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

Marko 13:14

“Kweni penipo muwona unyakazi wa phasulu kuma pa malo gho kuti utenere kumapo cha (wakuŵerenga yo wawemo) sono wamu Yuda wathaŵiye ku mapiri;

Mateyu 24:2

Kweni wakwamuka wanguŵanene, “Asi muwona vyose vyenivi? Ndikuneneskiyani, kuti usiyikengepo cha panu mwa pa mwa, wo urekenge kupong'eka pasi.”

Zekariya 11:6

Ndipo ŵaliska ŵawo kuti ŵe nazo ndi chitima cha. Ndipo nane ndirekenge kuŵa ndi chitima ndiwo ŵaja mu charu ichi, atiti Ambuya. Nadi ndiperekenge munthu yose mu janja la mliska wake, ndipo yose mu janja la karonga wake; ndipo ŵaphwanyenge charu, ndipo kuti nditaskenge nanga njumoza cha mu janja lawo.”

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Sumu 69:24

Ukari winu punguliyani paku iwo, ndipo ufyu wa kandundu kinu uŵasaniye.

Sumu 69:25

Malo ghawo ghakujamo ghaŵe mapopa, paulevi nanga njumoza wakuja mu mahema ghawo.

Yesaya 5:9

Ambuya ŵa maŵanja arapa mu makutu ghangu: “Kwakuneneska nyumba zinandi zikaŵanga makunthu, nyumba zikuru ndi zamanyanda, mwambura munthu wakujamo.

Zefaniya 3:6

“Ndananga mitundu ya ŵanthu; malinga ghawo ghapasuka. Ndaparghang'a miseu yawo, viyo palivi yumoza watendamo; misumba yawo yapasuka, mulivi munthu, mulivi wakujamo.