Mateyu 23:15 - Tonga Bible 1986

¹⁵ Okwe kwaku imwe, mwa ŵalembi ndi ŵaFarisi, mwaŵakufuvya! Pakuti muzunguliya nyanja ndi mtunda kwaching'anamuska mukhozi yumoza; ndipo penipo waŵa waviyo, mumsanduskamwana waku Gehena ukongwa kwakuruska mwaŵeni.

Mateyu 23:15 Referans Kwoze

ŴaEfeso 2:3

mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo:

Machitidu gha Ŵakutumika 13:43

Ndipo ŵati ŵatuwa mu sinagoge, ŵanandi ŵa ŵaYuda ndi ŵa ŵakhozi ŵakusopa ŵanguŵarondo Paulo ndi Barnaba: ŵeniwo pakurongoro nawo ŵaŵachichizganga kujaririya mu wezi waku Chiuta.

Machitidu gha Ŵakutumika 13:10

Ndipo wanguti, “Awa, wakuzazika fuvyo lose ndi uchenjezi wose, wamwana wa diabolo, wamawongo we wa urunji wose, asi urekenge, kunyongonthowa zakunyoroka za Mbuya?

Machitidu gha Ŵakutumika 14:2

Kweni ŵaYuda ŵakutafula Wanguyuska ndi ŵangusosomole mizimu ya ŵaMitundu wo pa ŵabali.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

ŴaGalatia 6:12

Wo wose ŵakhumba kuwoneka umampha mu nyama, ndiwo ŵakukakamizgani kuchinjika; kweni mwakuti ŵareke kuŵembeka chifukwa cha mphinjika yaku Kristu.

ŴaGalatia 4:17

Ŵanthu ŵenaŵa kuti wakukhumbiyani umampha cha; kweni ŵakhumba kukujariyani kubwaro, viyo kuti mukhumbire iwo.

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Machitidu gha Ŵakutumika 17:13

Kweni ŵaYuda ŵaku Tesalonika ŵanguti ŵaziŵa kuti mazu ghaku Chiuta ghangutaulika, ndi Paulo mu Berea so, ŵanguza, kweniko so ŵakuyunduwa ndi ŵakuyuzga mizinda yo.

Machitidu gha Ŵakutumika 14:19

Kweni ŵanguzako ŵaYuda, ŵakutuwa ku Antioke ndi Ikonio: ndipo ŵangukopa mizinda yo, ndi ŵangumpong'a Paulo mya, ndipo ŵangumguziya kubwaro ku muzi, pakughanaghana kuti wafwa.

Machitidu gha Ŵakutumika 2:10

ku Frugia ndi ku Pamfulia, ku Egipiti ndi ku vigaŵa vya Libya vya kuchiri ku Kurene, ndi taŵakuja ku Roma, taŵaYuda nafwe ndi so taŵakhozi,

Machitidu gha Ŵakutumika 6:5

Ndipo mazu gho ghangukondweska urapasi wose wo: ndipo ŵangutondo Stefano, munthu wakuzara chivwanu ndi Mzimu Wakupaturika, ndi Filipu, ndi Prokhoro, ndi Nikanora, ndi Timona, ndi Permena, ndi Nikolau mkhozi waku Antioke.

Estere 8:17

Ndipo mu chigaŵa che chose ndi mu msumba we wose mwenimo langulu ndi dangu la karonga vingufika, kwenga likondwa ndi chimwemwe ku ŵaYuda, ndipo so ŵanguchita dghera ndi ŵangupumuwa ku zinchitu. Ndipo ŵanthu ŵanandi mukati mu ŵeneko ŵa charu ŵangujichita kuŵa ŵaYuda chifukwa ŵangopa ŵaYuda.

Mateyu 5:29

Kweni asani jiso lako lamarghe litukuguŵiska, ulikorowo, ndi ulitaye; chifukwa nkhwamandulika kwaku iwe kuti chinangike chimoza cha viŵaru vyako, kwakuruska kuti litayike mu gehena liŵavu lako lizirima.

Mateyu 3:7

Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [