Mateyu 22:7 - Tonga Bible 1986

⁷ Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo.

Mateyu 22:7 Referans Kwoze

Luka 19:27

Ndipo so ŵakupindikana nane yaŵa, wo ŵengavi kukhumba ine kuŵaŵusa ŵatoleni kuno, ndi ŵabayiyeni paurongo pangu.’ ”

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

1 ŴaTesalonika 2:16

pakuti ŵatitikanizga kuŵakambiya ŵaMtundu kuti ŵataskike. Nyengo yose iyi ŵatakatakanga kuti ŵazaze mweso wa maulakwi ghawo. Ndipo sono ukari waku Chiuta wafikiya paku iwo.

Luka 21:21

Penipo ŵamu Yuda ŵathaŵiyenge ku mapiri; ndi ŵa mukati mwake ŵatuwengemo; ndi ŵamu minda ŵarekenge kusere mwake.

Yoele 3:2

ndiunjikenge mitundu yose, ndisikiyenge nayo ku dambo laku Yehoshafati, ndilimbana nayo chifukwa cha, ŵakusankhika ŵangu ŵaYisraele, wo ŵambininiskika mukati mu mitundu, ndi kugaŵana charu changu,

Yoele 2:25

Ndimuwezgiyeninge virimika vyo zombe wangurgha, ŵaphanana, matondo, ndi viwungu, nkhondo yangu yikuru yo ndingutuma mukati mwinu.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Mateyu 22:6

ndipo ŵakujapo ŵanguŵako ŵaŵanda ŵake, ŵanguŵachitiya uheni, ndi ŵanguŵabaya.

Mateyu 22:8

Sono watiti ku ŵaŵanda ŵake, ‘Nthengwa yarongosoleka kale, kweni ŵakudanika ŵengavi kwene.