Mateyu 22:16 - Tonga Bible 1986

¹⁶ Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha.

Mateyu 22:16 Referans Kwoze

Marko 3:6

Ndipo wachituwamo ŵaFarisi, sosonukweni pamoza ndi ŵaHerode ŵachitanga upu paku iyo, mo ŵangamunangiya.

Luka 20:21

Ndipo ŵangumfumba, ŵakuti, “Muwomba, tiziŵa kuti ukamba ndi usambizga kwakurunjika, ndipo kuti urumba chisku cha munthu cha, kweni mu uneneska usambizga nthowa yaku Chiuta.

Marko 12:14

Ndipo ŵanguti ŵaza ŵanguti, “Msambizigi, tiziŵa kuti ndimwe muneneska, ndi kuti muphwere yumoza cha: chifukwa kuti mulereska chisku cha ŵanthu cha, kweni kwakuneneksa musambizga nthowa yaku Chiuta: kumbi kuyamu kupaska msonkhu kwa Kaisare, pamwenge awa?

Marko 8:15

Ndipo wanguŵalanguliya wakuti, “Cheŵani ndi mtupu wa ŵaFarisi ndi mtupu waku Jerode.”

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 7:18

Wakurongorore mu mazaza ghaku yija wapenja unkhankhu wapa mtima wake; kweni wakupenja unkhankhu wa wakumtuma, ndiyo mneneska, ndipo utesi mulive mwaku iyo.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

1 ŴaTesalonika 2:4

kweni uli ndimo tazomerezgeke ndi Chiuta kutipingizga evangeli wo, viyo tikamba; nge mbakukondweska ŵanthu cha, kweni Chiuta yo watesa mitima yidu.

ŴaGalatia 2:6

Kweni kutuwa kwaku wo ŵanguwoneka kuŵa ŵathenthe (po ŵaŵiyanga kali ŵakutie, kuti nkhanthu kwaku ine cha: Chiuta ŵalive kuronde chisku cha munthu) ndititi, wo ŵathenthe ŵengavi kukuskiyako kanthu kwaku ine:

ŴaGalatia 1:10

Chifukwa kumbi ndiwoja ŵanthu, pamwenga Chiuta iyo? Pamwenga ndilembe kukondweska ŵanthu? Asani ndale ndakondweskanga ŵanthu, mphanyi kuti ndingawa mteŵeti waku Kristu cha.

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

2 ŴaKorinte 4:2

Kweni takana vyachibisibisi vyasoni, taŵakwendaendamu uchenjezi cha, pamwenga ŵakuchitiya kwafuzi ndi mazu ghaku Chiuta cha, kweni mu karongoroledu ka uneneska wakujirongo ku njuŵi za munthu yose paurongo paku Chiuta.

2 ŴaKorinte 2:17

Chifukwa kuti te nge mbanandi wo cha, ŵakukazuzga mazu ghaku Chiuta: kweni nge mbanthu ŵaneneska, ŵakupakika ndi ŵakupatulika ndi Chiuta, mu maso ghaku Chiuta, tirongorore mwaku Kristu.

Luka 7:40

Ndipo wakwamuka Yesu wanguti kwaku iyo, “Simoni, nde nako kanthu kukukambiya.” Ndipo iyo wali, “Msambizgi, kambani.”

Marko 10:17

Ndipo wachituliya iyo ku nthowa, wanguchimbiriyako yumoza, ndipo wakumlambiya wangumfumba, “Msambizgi wamampha, nkhachitanga chine kuti ndihare umoyo wamuyaya.”

Mateyu 26:49

Ndipo, wanguza kwaku Yesu, ruŵi wanguti, “Mauleni, Rabi”; ndipo wangumufyofyontha.

Mateyu 26:18

Ndipo wanguti iyo, “Sereni mu msumba kwaku yanimweni, ndi muneniyeni, ‘Msambizi watiti, Nyengo yangu ye pafupi; ndirghenge phaska mu nyumba yako pamoza ndi ŵasambizi ŵangu.’ ”

Mateyu 22:26

Kwakulingana wachiŵi nayo, ndi wachitatu, mpaka ku ŵankhonde ndi ŵaŵi wo.

Mateyu 22:24

kuti, “Msambizgi, Mosese wangukamba, ‘Asani munthu wafwa wambura ŵana, mhurwa wake wahare muwoli wake, mwakuti wamyuskiye mkuwake mbeu.’

Malaki 2:9

viyo ndimusanduskeninga kuŵa ŵakunyozeka, ndi ŵakuyuyulika pa maso pa ŵanthu wose, kwakuyana nge ndimo mwareke kusungiya nthowa zangu, kweni mwapenevya mu chisambizgu chinu.”

Malaki 2:6

Wangusambizga chisambizgu cha uneneska ndipo ubudi kuti ungusanirika cha mu mlomo wake. Wangwenda nane mu chimangu ndi mu urunji, ndipo wanguwezga ŵanandi kusiya ubendezi.

Nthanthi 29:5

Munthu mweniyo wapusika muzengezgani wake wathyiya marundi ghake chilepa.

Sumu 55:21

Karongororero kake kenga kakusilirika kwakuruska mafuta gha mukaka, kweni nkhondo yenga mu mtima wake; mazu ghake ghenga gha koloŵa kwakuruska mafuta, kweni ndipuuli ghenga malipanga ghakuwewepuwa.

Sumu 12:2

Munthu yose wakamba utesi ku mwanasi wake; ndi milomo yauteremusi, ndi mtima wa paŵi ŵakamba.

Sumu 5:9

Pakuti mulivi uneneska mu mlomo wawo; mtima wawo ndi phasulu, khosi lawo ndi muunda wa mwazi, ndi lilime lawo ŵakamba kwakunyenga.

1 ŴaKaronga 22:14

Kweni Mikaya wanguti, “Po ajaliya amoyo Ambuya, chenicho Ambuya atindinene, ndicho ndikakambanga.”

Marangu 33:9

mweniyo wangukamba gha awiske ndi anyina, ‘Ndituŵagomezga cha.’ Wangukwamphuwa vya ŵana ŵanyake ndi wanguŵaruwa ŵana ŵake, pakuti iwo ŵanguphwere mazu ghinu, ndi ŵangusunga phanganu linu.

Marko 12:13

Ndipo ŵangutumiya ŵanyake ŵa ŵaFarisi ndi ŵa ŵaHerode alinga kuti ŵamko mu kurongoro.