Mateyu 21:41 - Tonga Bible 1986

⁴¹ Ŵamnene, “Waŵanangenge uheni ŵaheni ŵa, ndipo munda wa mphereska wapazgiyenge ku ŵalimi ŵanyake, ŵeniwo ŵamuwezgiyenge vipasi vyo mu nyengo zawo.”

Mateyu 21:41 Referans Kwoze

Machitidu gha Ŵakutumika 18:6

Kweni po ŵangumikirana nayo iwo, ndi kutuka, wangukung'untha minjirira yake, ndipo wangunena nawo, “Ndopa zinu ziŵi pa mitu yinu; ndasasamo ine; kwanda sono ndikenge ku ŵaMitundu.”

Mateyu 21:43

“Chifukwa chenichi ndikuneniyani, ukwamphulikenge kwaku imwe ufumu waku Chiuta, ndipo upaskikenge ku mtundu wakupasa vipasi vyake. [

Machitidu gha Ŵakutumika 28:28

“Viyo kuziŵikwe kwaku imwe, kuti ku Mitundu utaski uwu waku Chiuta utumika: iwo nawo ŵavwenge.” [

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

1 ŴaTesalonika 2:16

pakuti ŵatitikanizga kuŵakambiya ŵaMtundu kuti ŵataskike. Nyengo yose iyi ŵatakatakanga kuti ŵazaze mweso wa maulakwi ghawo. Ndipo sono ukari waku Chiuta wafikiya paku iwo.

Machitidu gha Ŵakutumika 28:8

Ndipo kunguŵa kuti wiske waku Publio waranga wakukoreka ndi muliŵavu ndi chigweu: kwaku mweniyo Paulo wangusere, ndi kumrombe, ndipo, pakuŵika manja ghake paku iyo, wangumchizga.

Machitidu gha Ŵakutumika 15:7

Ndipo pavuli pasuskano yikuru, wangusoka Petro, ndipo wanguti kwaku wo, “Mwa ŵabali, muziŵa imwe kuti kali Chiuta wangusankha ine, kuti ku mlomo wangu yingavwa Mitundu yo mazu gha evangeli, ndipo yivwanenge.

Mateyu 3:12

Mweniyo chipepeteru chake che mu janja lake, wakatoweskanga mbuli wake; ndi kuwunjika trigu wake mu nkhokwe, kweni wamukocha mwere ndi moto wambura mazimwika.”

Zekariya 13:8

Ndipo kuŵenge kuti, mu charu chose, atiti Ambuya, vigaŵa viŵi vidumukeko vifwi; kweni chigaŵa chachitatu chijenge mwenimo.

Zekariya 12:12

Ndipo charu chose chiliriyenge, mbumba paku yija; mbumba ya nyumba yaku Davidi paku yija, ndi ŵawoli ŵawo paku ŵija; mbumba ya nyumba yaku Natani paku yija, ndi ŵawoli ŵawo paku ŵija;

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Sumu 2:9

Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

Yesaya 65:15

Mukajowolenga zina linu kuti litembeke ndi ŵakusankhika ŵangu, ndipo Ambuya Chiuta akuperekaninga ku nyifwa; kweni ŵateŵeti ŵake wakaŵadananga zina linyake.

Mateyu 21:34

Kweni penipo yingufika nyengo ya vipasi, wangutumizga ŵaŵanda ŵake ku ŵalimi wo, kwachironda vipasi;

Mateyu 21:40

Viyo penipo wazenge mwenimunda wamphereska yo, waŵachitiyenge chine ŵalimi munda ŵa?”

Luka 20:16

Wazenge ndi wanangenge ŵalimi yaŵa, ndipo wapaskenge munda wamphereska ku ŵamwenga.” Ndipo ŵanguti ŵavwa, ŵanguti, “Kungaŵa viyo cha.”