Mateyu 21:35 - Tonga Bible 1986

³⁵ ŵalimi wo ŵanguko ŵaŵandaŵake, ŵangumpuma yumoza, munyake ŵangupong'a mya.

Mateyu 21:35 Referans Kwoze

Nehemiya 9:26

“Ndipuuli ŵenga ŵa mtafu ndi ŵangukugalukiyani ndi ŵangutaya dangu linu ku msana kwawo ndi ŵangubaya ŵamchimi ŵinu, ŵeniwo ŵaŵachenjezganga kuti ŵaweriyenge kwinu, ndipo ŵangutukana ukongwa.

Machitidu gha Ŵakutumika 7:52

Nunju wa ŵamchimi auskemwe ŵengavi kumndondoloska? Ndi ŵanguŵabaya wo ŵangutauliya limu ndi kazidu ka Murunji yo; mweniyo sono imwe mwakombo ndi mwabaya.

Mateyu 5:12

Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.

Chivumbuzi 6:9

Ndipo penipo wangubanuwa chizighiri chachinkhonde ndinguŵawona kusi ku jochero ŵazimu ŵaku wo ŵangubayikiya pa chifwa cha mazu chaku Chiuta, ndi pa chifwa cha chisimisimi cho ŵenga nacho;

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

2 Mikoka 16:10

Penipo ndipo Asa wangukaripa ndi muwona wangumuŵika mu nyumba ya magoŵa, wangutundiya nayo pa chifukwa cha chinthu ichi. Ndipo Asa wangusuzga ŵanthu ŵanyake pa nyengo yeniyo.

1 ŴaKaronga 22:24

Sono Zedekiya mwana waku Kenani wangundere kufupi, wangupuma Mikaya pa dakama, wanguti, “Ungutuwako uli Mzimu wa Ambuya kwangu kwachirongoro ndi iwe?”

1 ŴaKaronga 19:10

Wanguti, “Ndachitiya sanje weniukongwa Ambuya, Chiuta wa maŵanja; pakuti ŵaYisraele ŵajowo phanganu linu, ŵabwangandukiya pasi viguŵa vinu vya sembe, ŵabaya ŵamchimi ŵinu ndi lipanga, ndipo ine, ine pe ndija ndajako, ndipo ŵapenja umoyo wangu, kuti akoso.”

1 ŴaKaronga 19:2

Sono Yezebelu wangutuma thenga kwaku Eliya, kuti, “Viyo so ndimu ŵachitiyi ŵachiuta kwaku ine, ndi kuruskako so, asani umoyo wako ndirekenge kuwuchita ulaka mbumoyo wa yumoza waku wo pa nyengo nge ndi iyi la mawa.”

1 ŴaKaronga 18:13

Kumbi alivi kumukambiya mbuyangu chenicho ndinguchita po Yezebelu wangubaya ŵamchimi ŵa Ambuya mwenimo ndingubisiya ŵa mchimi machumi pe chumi (100), mo ndinguŵabisiya mumphanji machumi ghankhonde ghankhonde, kuŵaliska chiŵande ndi maji?

1 ŴaKaronga 18:4

ndipo penipo Yezebelu wangubaya ŵa mchimi ŵa Ambuya, Obadiya wanguto ŵa mchimi machumi pe chumi (100) wanguŵabisa machumi ghankhonde ghankhonde mu mphanji, ndipo wanguŵapaska kurgha ndi maji.)

Yeremiya 26:8

Ndipo penipo Yeremiya wanguti wamara kukamba vyose vyenivyo Ambuya angumulanguliya ku ŵanthu, ŵazukuru, ndi ŵamchimi, ndi ŵanthu wose ŵangumuko, ŵanguti, “Ukafwanga!

Yeremiya 37:15

Ndipo ŵakaronga ŵangumukalipiya Yeremiya, ndi ŵangumpuma ndi ŵangumserezga mu ukaidi, mu nyumba yaku Jonafani mlembi, pakuti yingusanduskika kuŵa nyumba ya ukaidi.

Mateyu 21:34

Kweni penipo yingufika nyengo ya vipasi, wangutumizga ŵaŵanda ŵake ku ŵalimi wo, kwachironda vipasi;

Mateyu 21:36

Wangutumizga ŵaŵanda ŵanyake kwakuruska ŵakudanga wo: yaŵa nawo ŵanguŵachitiya kwakulingana.