Mateyu 20:30 - Tonga Bible 1986

³⁰ Ndipo, ŵachiburumutiya ŵaŵi ŵakuja mumphepete mu nthowa, ŵati ŵavwa kuti Yesu wajumphapo ŵangubongo ŵakuti, “Ambuya, tifwiyeni lisungu, mwaMwana waku Davidi.”

Mateyu 20:30 Referans Kwoze

Marko 10:46

Wanguza ku Yeriko: ndipo wachituwa ku Yeriko, ndi ŵasambizi ŵake pamoza ndi mzinda ukuru, mwana waku Timeyu, Bartimeyu, mpempha wachiburumutiya wajanga mumphepete mu nthowa.

Mateyu 22:42

wakuti, “Mutitinji ndi Kristu? Ndi mwana waku yani?” Ŵamnene, “Waku Davidi.”

Mateyu 21:14

Ndipo ŵanguza kwake mu kasopi ŵachiburumutiya ndi ŵakuganthiya; ndipo wanguŵachizga.

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Machitidu gha Ŵakutumika 2:30

Viyo pakuŵa mchimi, ndipo pakuziŵa kuti ndi rapu Chiuta wamurapiya kuti ku chipasi chamu chiunu chake wangajarikapo yumoza pa chitengu chake cha ufumu.

Luka 7:21

Mu ora lenilo wanguchizga ŵanandi ku matenda ndi masuzgu ndi mizimu yiheni; ndipo ku ŵachiburumutiya ŵanandi wangupaska kulereska.

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Mateyu 15:22

Ndipo wonani, munthukazi muKanani, wakutuwa mu mphaka zenizo, wangubongo, wakuti, “Ndifwiyeni lisungu, Ambuya, mwa Mwana waku Davidi; mwana wangu munthukazi wakoreka uheni ndi demone.”

Yesaya 59:10

Tipapaska chimati nge ngwachiburumutiya, tipapaska nge ndiwo ŵalivi maso; tiguŵa ndi msana pakati uli ndi mazulo pa kwafipa; mukati mwaku wo mbanthazi kwakufikapo tituŵa uli mbanthu ŵakufwa.

Yesaya 42:18

Avwani, imwe mwamugota; lereskani, imwe mwachiburumutiya, kuti muwone!

Yesaya 42:16

Ndipo ndikarongozganga ŵachiburumutiya mu nthowa yo ŵalivi kuyiziŵa, mu tunthowa to ŵalivi kutuziŵa kale ndikaŵarongozganga. Ndikasanduskanga mdima wa paurongo pa wo kuŵa ukweru, malo ghavibokuboku kuŵa ghakunyoroka. Ivi vinthu ndi vyo nkhachitanga, kuti nkhavirekanga cha.

Yesaya 29:18

Mu zuŵa liya ŵamgota ŵakavwanga mazu gha buku, ndipo kutuwa mu munkhorwe wawo ndi mu mdima maso gha ŵachiburumutiya ghakalereskanga.

Sumu 146:8

Ambuya ajura maso gha ŵachiburumutiya. Ambuya asoska wose ŵakujiyuyuwa, atanja ŵakurunjika.

Mateyu 13:4

Ndipo wachimijma zinyake zinguwa mumphepete mu nthowa, ndipo tuyuni tunguza ndi tunguzirgha.

Mateyu 20:31

Kweni mzinda wo unguŵachenya, kuti ŵachetame. Kweni iwo ŵabongonga ukongwako, ŵakuti, “Ambuya, tifwiyeni lisungu, mwaMwana waku Davidi.”