Mateyu 20:21 - Tonga Bible 1986

²¹ Ndipo wangumfumba, “Ukhumbanji?” Wamnene, “Kambani kuti ŵaje ŵana ŵangu ŵaŵi yaŵa, yumoza ku marghe kwinu ndi munyake ku maze, mu ufumu winu.”

Mateyu 20:21 Referans Kwoze

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Estere 5:3

Ndipo karonga wanguti kwaku iyo, “Kumbi unkhumba chine Estere fumukazi? Pemphu lako ndakuti uli? Nadi likapaskikanga kwako chingana nchigaŵa chimoza cha vigaŵa viŵi vya ufumu.”

Mateyu 18:1

Mu ora lenilo ŵasambizi ŵanguza kwaku Yesu, ŵakuti, “Njani na mura mu ufumu wakuchanya?”

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Machitidu gha Ŵakutumika 1:6

Viyo iwo pakuwungana pamoza ŵamfumbanga, ŵakuti, “Ambuya kumbi pa nyengo yeniyi mukawerezgiyanga ufumu wo kwaku Yisraele?”

Marko 6:22

Ndipo wati waseremo mwana munthukazi waku Herodiya ndi kuvina, wangukondweska Herode ndi wo ŵajanga nayo pa kurgha; ndipo karonga yo wangumnene-msungwana, “Undipemphe chose cho ungakhumba, ndipo ndikupaskenge.”

Mateyu 20:32

Ndipo wanguma Yesu, wanguŵadana, wanguti, “Mukhumba kuti ndikuchitiyeninje?”

1 ŴaKaronga 3:5

Pa Gibeoni Ambuya angumuwoneke Solomoni mu loto ndi usiku: ndipo Chiuta wanguti, “Upemphe chenicho ndikupaskenge?”

ŴaKolose 3:1

Viyo asani mwayuskika pamoza ndi Kristu, lembeni vya kuchanya, kweniko kwe Kristu, wakujariya ku janja lamarghe laku Chiuta.

ŴaRoma 12:10

Mu chanju chaubali mwanjani.

Yohane 15:7

Asani mujaririya mwaku ine, ndi mazu ghangu ghajaririya mwaku imwe, chose cho mungakhumba pemphani, ndipo chikuŵiyeninge,

Luka 22:24

Ndipo so kunguŵa suskanu mwaku wo, yakuti, njani waku wo wawoneka kuŵa mraku.

Luka 19:11

Ndipo iwo ŵachivwa ghenigho, wangukuskiyako ndipo wangukamba ntharika chifukwa wenga kufupi ku Yerusalemu, pakuti iwo ŵangughanaghana kuti ufumu waku Chiuta uwonekenge sosonukweni.

Luka 18:41

“Ukhumba kuti ndikuchitiye chine?” Ndipo iyo wanguti, “Mbuya, kuti ndilereske.”

Marko 10:51

Yesu wangumfumba wanguti, “Unkhumba kuti ndikuchitiyenji?” Ndipo wanguti wachiburumutiya “Msambizgi, kuti ndilereske.”

Yeremiya 45:5

Ndipo kumbi utijipenje vinthu vikuru? Reka kuvipenja; pakuti, ehe, nditole chiheni pa vyamoyo vyose, atiti Ambuya: kweni ndikakupaskanga iwe umoyo wako nge ndi mphoto ya nkhondo mu malo ghose kweniko ungaya.”

Sumu 45:9

ŵana ŵanthukazi ŵa ŵakaronga ŵe mukati mu ŵamwali ŵinu ŵakutumbikika; karonga munthukazi watuma pa janja linu la marghe mu golide laku Ofiri.

ŴaRoma 8:34

Kristu Yesu ndiyo wangufwa, inya, ndiyo wanguyuskika ku ŵakufwa mweniyo we ku marghe ghaku Chiuta, mweniyo nayo waninizikiya pa chifukwa chidu.

1 ŴaKaronga 2:19

Viyo Betesheba wanguruta ku karonga Solomoni, kwachiŵereŵeta nayo ghaku Adoniya. Ndipo karonga wangusoka kwachikumana nayo, wangukotamiya iyo, pavuli wanguja pa chitengo ndipo wangudana chakujapo nyina wakaronga: ndipo wanguja ku marghe ghake.

Marko 16:19

Viyo ndipo Ambuya Yesu, pavuli pa kurongoro nawo, wangurondeke kuchanya, ndipo wangujariya pasi ku janja lamarghe laku Chiuta.

Mateyu 20:22

Kweni Yesu wakwamuka wanguti, “Kuti muziŵa cha cho mupempha. Kumbi muziŵa kumwa nkhombo yo ine nditenere kumwa?” Wamunene, “Tiziŵa.”