Mateyu 2:2 - Tonga Bible 1986

² “We pani yo wakuwa Karonga wa ŵaYuda? Chifukwa ku vuma tinguwona nyenyezi yake, ndipo taziya kumlambiya.”

Mateyu 2:2 Referans Kwoze

Maŵerengedu 24:17

nditumuwona, kweni sono cha; nditumlereska, kweni pafupi cha: nyenyezi yikatuliyanga mwaku Yakobe, ndipo ndodo ya ufumu yikayukanga mwaku Yisraele; yikaphwanyanga pa maso paku Moabu, ndi kuswa ŵana ŵanthurumi wose ŵaku Seti.

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Chivumbuzi 22:16

“Ine nda Yesu ndatuma kwinu mungelo wangu kumsimikizgiyani vinthu ivi mu mipingu. Ine ndine nkhorozu ndi mbumba yaku Davidi, ndi thondu lakuŵara la mlenji.”

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Yesaya 60:3

Ndipo mitundu yikazanga ku ukweru winu, ndi ŵakaronga ku kutuwa kwa kuyuka kwinu.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

ŴaHebere 1:6

Ndipo so wachiserezga Mwana mura yo mu charu, watiti, “Ndipo ŵamlambiyenge iyo ŵangelo wose ŵaku Chiuta.”

Luka 23:38

Ndipo kwenga so lembo pachanya pake, “UYU NDI KARONGA WA ŴAYUDA.”

Luka 23:3

Ndipo Pilato wangumfumba, wakuti, “Kumbi ndi we Karonga wa ŵaYuda?” Ndipo pakumwamuka watinge, “Iwe unena.”

Sumu 2:6

“Ndamika karonga wangu pa Zioni, phiri langu lakupaturika.”

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Luka 19:38

ŵakuti, “Ngwakutumbikika Karonga yo watuziya mu zina la Mbuya! Chimangu kuchanya, ndi unkhankhu mdengwendi.”

Luka 2:11

pakuti wakuwiyani le, mu muzi waku Davidi, Mtaski mweniyo ndi Kristu Mbuya.

Yeremiya 30:9

Kweni ŵakatataliyanga Ambuya Chiuta wawo ndi Davidi karonga wawo, mweniyo ndikaŵayuskiyanga.

Sumu 45:11

ndipo karonga wakhumbenge kutowa kwako. Umulambiye, pakuti iyo ndiyo mbuyako;

Yohane 9:38

Ndipo iyo wanguti, “Ambuya ndivwana.” Ndipo wangumlambiya.

Yohane 19:19

Pilato wangulemba lembedu nalo, ndipo ŵanguliŵika pa mphinjika yo. Kungulembeka, YESU WAKU NAZARETE, KARONGA WA ŴAYUDA.

Yohane 12:13

ŵanguto mphanda za ŵakanchindu, ŵangutuwa kwachikumana nayo, ndipo Wakamburanga, “Hosana! Ngwakutumbikika yo watuza mu zina la Mbuya, Karonga waku Yisraele!”

Mateyu 27:11

Ndipo Yesu wanguma paurongo pa nduna yo: ndipo nduna yingumfumba, yakuti, “Kumbi ndiwe karonga wa ŵaYuda?” Yesu wanguti kwaku iyo, “Iwe unena.”

Yohane 20:28

Wangwamuka Tomase, wangunena nayo, “Ambuyangu ndi Chiuta wangu!”

Mateyu 21:5

“Ŵaneniyeni ŵanthu ŵaku Zioni, Awonani, Karonga winu watukuziyani, mpovu, ndi wakugara pa mbunda, ndi pa kambunda, mwana wa mbunda.”

Mateyu 2:3

Kweni Herode karonga yo wanguti wavwa ichi wangutenthema, ndi Yerusalemu yose pamoza nayo.