Mateyu 2:11 - Tonga Bible 1986

¹¹ Wangusere mu nyumba, ndipo ŵanguwona mwana ndi Mariya anyina; ndipo ŵakuwa pasi ŵangumlambiya. Ndipo ŵati ŵabanuwa mbiku zawo; ŵangupaska mipasku, golide, libane, ndi muro.

Mateyu 2:11 Referans Kwoze

Yesaya 60:6

Mzinda wa ŵagamila ukakuvimbanga, ŵagamila ŵampupuka ŵaku Midiyani ndi Efa; wose ŵakutuwa ku Sheba nawo wakazanga. Ŵakazanga ndi golide ndi vyachema, ndipo ŵazamtaula marumbu gha Ambuya.

Sumu 72:10

Ŵakaronga ŵaku Tarshishi ndi ŵarau virwa ŵakaperekanga mipasku; ŵakaronga ŵaku Sheba ndi Seba ŵakamuziyanga ndi mithulu.

Luka 2:16

Ndipo ŵanguza ŵakutinthimika, ndipo ŵangusaniya wose Mariya ndi Yosefe, ndi litema lo lakugona mu murgheru wo.

Mateyu 2:2

“We pani yo wakuwa Karonga wa ŵaYuda? Chifukwa ku vuma tinguwona nyenyezi yake, ndipo taziya kumlambiya.”

Sumu 95:6

Zaninga, tikotame ndi kumusopa iyo; tiyeni tigwade paurongo pa Ambuya, Mlengi widu!

Sumu 72:15

Waŵe ndi utali karonga! Wapaskike golide waku Sheba, marombu ŵamurombiyenge kwambura kurekezga; ndipo vitumbiku vyaku Chiuta viŵe paku iyo nyengo yose!

1 ŴaKaronga 10:2

Yinguza ku Yerusalemu ndi mpingu ukuru wa ŵakuyilinda, ndi ŵagamila ŵakunyamuwa vya chema, ndi golide linandi, ndi mya yakuzirwa ya pachanya, ndipo yinguti yaza kwaku Solomoni yingumunene vyose vyenivyo vyenga mu mtima wake.

Maŵerengedu 7:14

mbali yimoza ya golide ya mashekelo chumi, yakuzaza vya chema;

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Mateyu 14:33

Ndipo ŵamu ngaraŵa ŵangumlambiya, ŵakuti, “Ndimwe nadi Mwana waku Chiuta.”

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Luka 2:38

Ndipo wanguti wafikapo pa ora lenilo, wawongiyanga Chiuta, ndipo wangukambiya vyaku iyo kwaku wose ŵakulereze uwombozi wa Yerusalemu.

1 Samuele 10:27

Kweni ŵanyake wo wengavi kwenere ŵatinge, “Watitaskenge uli munthu uyu?” Ŵangumuyeya ndipo kuti ŵangumuziya ndi vyawanangwa cha. Kweni iyo wanguja chete.

Maŵerengedu 7:86

mbali za golide zenga chumi ndi ziŵi, zakuzazika ndi vya chema uzitu wa mbali yimoza mashekelo chumi, kuyana ndi uzitu wa shekelo la nyumba yakupaturika, golide yose wa mbali zo wenga mashekelo machumi pe chumi, pachanya ghaŵi (120);

ŴaLevi 6:15

Ndipo yumoza wakatongako ufwa wamampha kuzaza janja ku mpasku wa ufwa, ndi mafuta ghake ndi vyachema vyose vyo vye pa mpasku wa ufwa, kocha uwu nge nchiŵalu cha chikumbusku chake pa jochero, fungu lakukondweska Ambuya.

Chituwa 30:34

Ndipo Ambuya anguti kwaku Mosese, “Uto vyakununkhira vyamampha, mure ndi sekereti ndi gelebuna, vyakununkhira vyamampha ndi nje zo zakununkhira (chimoza ndi chimoza) viyanenge mu unandi,

Chiyambo 43:11

Viyo uskeu Yisraele wanguti kwaku iwo. “Asani kwe viyo, iku chitani ichi: toriyani mu mathumba ghinu vipasi vyamampha vya charu ichi, ndi pingiyani muthu yo vyawanangwa, mafuta ghakupozga ghamanavi, ndi uchi umanavi, maziu, muro, mbarara za pistakio, ndi ŵazobara.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Sumu 45:8

Minjirira yinu yose yendi fungu la muro ndi chikasi cha chema ndi kasiya. Kutuliya mu zinyumba za ufumu za minyanga ya njovu virumbu vya malisinga vitukukondweskani;

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

1 ŴaKaronga 10:10

Pavuli fumukazi yingupaska karonga matalente gha golide machumi pe chumi ndi machumi ghaŵi (120), ndi vyachema vinandi ukongwa, ndi mya ya mtengo wapatali, kuti kunguza so unandi wa vyachema cha pavuli nge ndi vyo fumukazi yaku Sheba yingupaska ku karonga Solomoni.

Chituwa 30:23

“Utonge vyakununkhira ukongwa: vyakufunkha vya maji, uzitu wake mashekelo machumi pe chumi ghankhonde (500) ndi Kinamoti wa fungu lamampha mashekelo machumi pe chumi ghaŵi ndi machumi ghankhonde (250) ndi mijuŵa yakununkhira machumi pe chumi ghaŵi ndi machumi ghankhonde (250),

Sumu ya Zisumu 3:6

Nchine cho chituza kutuliya ku bozwa, nge ndi mzati wa usi wakununkhira fungu la muro ndi vyakusunkhizga, pamoza ndi vyachema vyose vya ufwa wa wakuguliska?

Mateyu 1:18

Kweni kawidu kaku Yesu Kristu kenga viyo. Nyina wake Mariya wati wajaririka ndi Yosefe, ŵandafikane iwo, wangusanirika ndi nthumbo kutuwa ku Mzimu Wakupaturika.

Mateyu 2:10

Ndipo ŵachiwona nyenyezi yo ŵangukondwere ndi likondwa likuru ukongwa.

Mateyu 12:46

Wacharongoro iyo ku mizinda yo, anyina ndi ŵabali ŵake ŵanguma kubwaro ŵakupenja kurongoro nayo.

Yohane 19:39

Ndipo Nikodemu nayo, yo wanguza kwaku Yesu ndi usiku pa mtendeku, wanguza pamoza ndi Yosefe, wakupinga chikasi cha muro cha uzitu akhumba wa myesu machumi pe chumi, ndi vyankhanya.