Mateyu 19:4 - Tonga Bible 1986

⁴ Kweni wakumuka wanguti, “Asi mwaŵerenga kuti kutuwa ku mtendeku chata wanguŵachita munthurumi ndi munthukazi.

Mateyu 19:4 Referans Kwoze

Chiyambo 2:23

Sono munthu yo wanguti, “Uyu sono nchiwanga cha viwanga vyangu ndi nyama ya nyama yangu; wakadanikanga Munthukazi, chifukwa wangutoleka kutuwa mu Munthurumi.”

Chiyambo 1:27

Viyo Chiuta wangulenga munthu mu chikozgu cha mweneko, mu chikozgu chaku Chiuta ndimu wangumulenge; munthurumi ndi munthukazi wanguŵalenga.

Chiyambo 5:2

Munthurumi ndi munthukazi wanguŵalenga, ndipo wanguŵatumbika, ndi wanguŵadana Munthu penipo ŵangulengeka.

Malaki 2:15

Kuti ndi Chiuta yumoza cha yo wakwata ndi kusungirizgiya ifwe mzimu wa umoyo? Ndipo nchine cho wakhumba? Mphapu yirunji. Viyo chenjeni, paulevi nanga njumoza waŵe wambura kugomekezgeka ku muwoli wa uhurwa wake.

Luka 10:26

Ndipo iyo wanguti kwaku yo, “Mu langulu lo chalembeka chine? Uteska uli?”

Chiyambo 2:18

Ndipo Ambuya Chiuta wanguti, “Kuti nkhwamampha cha kuti munthu yo waje yija; ndikamuchitiyanga wakumovya, wakulingana nayo.”

Mateyu 22:31

Kweni kwakulingana ndi chiyuka cha ŵakufwa asi mwaŵerenga chakukambikiya imwe ndi Chiuta,

Mateyu 12:3

Ndipo iyo wanguti kwaku wo, “Asi mwaŵerenga cho wanguchita Davidi, po wanguvwa nja, ndi wo ŵapamoza nayo;

Marko 12:26

Kweni nge nkhu ŵakufwa, kuti ŵayuskika, asi mwaŵerenga mu buku laku Mosese, pa chivwati cho, mo Chiuta wangumnene, kuti, ‘Ndine Chiuta waku Abrahamu, ndi Chiuta waku Yisaki, ndi Chiuta waku Yakobe’?

Marko 12:10

Asi mwaŵerenga na lembo ili: ‘Mwa wo ŵakuzenga ŵanguwupata, weniwo waŵa mutu wa nyondu:

Marko 2:25

Ndipo wanguti kwaku wo, “Asi mwaŵerenga kale cho wanguchita Davidi, po wangukavuka ndi wanguvwa nja, iyo ndi wo ŵapamoza nayo,

Mateyu 21:42

Yesu watiti kwaku wo, “Kumbi kali kose mundaŵerenge mu malembo: ‘Mwa wo ŵakuzenga nyumba ŵanguwukana, weniwo waŵa mutu wa nyondu: ichi ndi nchitu ya Ambuya. Ndipo nchakuziziswa mu maso ghidu?’

Luka 6:3

Ndipo wakuŵamuka Yesu wanguti, “Mundachiŵerenge cho wanguchita Davidi, penipo wangufwa msara, iyo ndi ŵapamoza nayo;

Mateyu 21:6

Ndipo ŵasambizi wo ŵanguruta, ŵanguchita uli ndimo Yesu wanguŵalanguliya,

2 Mikoka 24:3

Yehoyada wangumutole ŵawoli ŵaŵi, ndipo wanguŵa ndi ŵana ŵanthurumi ndi ŵanthukazi.