Mateyu 19:28 - Tonga Bible 1986

²⁸ Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Mateyu 19:28 Referans Kwoze

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 7:4

Ndipo ndinguvwa unandi waku wo ŵanguzighirika, ŵenga vikwi machumi pechumi pachanya machumi ghanayi ndi vinayi, ŵakuzighirika mu fuku lose la ŵana ŵaku Yisraele:

2 Petro 3:13

Kweni, kwakulingana ndi phanganu lake, tilereze machanya ghafya ndi charu chifya mwenimo muja urunji.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Yesaya 66:22

“Pakuti nge ndi machanya ghafya ndi charu chapasi chifya, vyenivyo ndikachitanga, vikajaliriyanga paurongo pangu, atiti Ambuya; viyo ndimu mphapu zinu ndi zina linu vikajaliriyanga.

Yesaya 65:17

“Pakuti ehe, ndilenga machanya ghafya ndi charu chapasi chifya; ndipo vinthu vyakudanga kuti vikakumbukikanga cha, pamwenga kuvighanaghana.

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”

Chivumbuzi 4:4

Ndipo kwakuzunguliya chitengu-chaufumu cho kwenga vitengu-vyaufumu machumi ghaŵi pachanya vinayi, ndipo pa vitengu vyo ŵangujapo ŵara machumi ghaŵi pachanya ŵanayi, ŵakuvwara, minjirira yituŵa; ndi pa mitu yawo ndumbu zagolide.

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

2 Timote 2:12

asani tikunthiyapo, tiusiyenge pamoza nayo: asani timkanenge, iyo nayo wamkana ifwe:

Machitidu gha Ŵakutumika 3:21

ndiyo Yesu: mweniyo kutenere kuchanya kumronde mpaka nyengo za chiwerezga chaku vyose, vyenivyo Chiuta wangurongorole ndi mlomo wo ŵamchimi ŵake wose wakupaturika kutuwa ku mwaka.

Mateyu 20:21

Ndipo wangumfumba, “Ukhumbanji?” Wamnene, “Kambani kuti ŵaje ŵana ŵangu ŵaŵi yaŵa, yumoza ku marghe kwinu ndi munyake ku maze, mu ufumu winu.”

Chivumbuzi 22:2

ndi mukati mu mseu wa msumba. Ndipo sirgha lino ndi sirgha liya la msinji penga muti wa umoyo, wo upasa vipasi vya mitundu chumi ndiyiŵi, ndi upasapasa mwezi ndi mwezi: mane ghake nagho ngakuchizgiya mitundu.

Ezra 6:17

Pakupatuwa nyumba iyi yaku Chiuta, ŵangupereka ng'ombe, machumi pe chumi (100), mberere, machumi pe chumi ghaŵi (200), ŵana ŵa mberere, machumi pe chumi ghanayi (400), ndipo sembe ya uheni waku Yisraele yose yenga mbuzi, chumi ndi ziŵi (12), kuyana ndi unandi wa mitundu yaku Yisraele.

1 ŴaKaronga 18:31

Eliya wanguto mya chumi ndi yiŵi, kwakuyana ndi unandi wa mafuku gha ŵana ŵaku Yakobe, kwaku mweniyo mazu gha Ambuya ghanguza, ghakuti, “Yisraele likaŵanga zina lako.”

Yoswa 3:12

Viyo sono tonimo ŵanthurumi chumi ndi ŵaŵi mu mafuku gha ŵaYisraele, mu fuku limoza munthu yumoza.

ŴaLevi 24:5

“Ndipo mukatonga ufwa wamampha, ndi kocha tuviŵande chumi ndi tuŵi, ke kose ka ufwa wa vigaŵa viŵi vya vigaŵa chumi vya mweso wa sokora.

Chituwa 28:21

Mukaŵanga mya chumi ndi yiŵi ndi mazina ghawo kwakuyana ndi mazina gha ŵana ŵanthurumi ŵaku Yisraele, ghakaŵanga uli ndi vidindu, we wose wakusindikizgika ndi zina lake, gha mitundu chumi ndi yiŵi.

Chituwa 24:4

Ndipo Mosese wanguremba mazu ghose gha Ambuya. Ndipo wangusoka ndi mlenjilenji, ndi wanguzenga jochero la sembe pa sina pa phiri ndi mizati chumi ndi yiŵi, kwakulingana ndi mitundu chumi ndi yiŵi ya ŵaYisraele.

Chituwa 15:27

Sono ŵanguza ku Elimi, penipo penga visima vya maji ghakubwibwituka chumi ndi viŵi (12) ndi miti ya kanchindu machumi ghankhonde ndi ghaŵi (70) ndi ŵangugoŵa penipa pafupi ndi maji.

Chivumbuzi 12:1

Munthondwe ukuru unguwoneka kuchanya; munthukazi wakuvwarikika dazi, ndi mwezi pasi pa marwayo ghake, pa mutu pake penga ndumbu ya nyenyezi chumi ndi ziŵi.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Mateyu 8:20

Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.”

Mateyu 19:27

Sono Petro wakwamuka wangumnene, “Awonani, ifwe tasiya vyose, ndipo takurondoni; na tiŵenge ndi chine ifwe?”

Marko 10:37

Ndipo iwo ŵangumnene, “Tipaskeni kuti tije, yumoza ku marghe kwinu, ndi yumoza ku maze, mu unkhankhu winu.”

Chivumbuzi 11:16

Ndipo ŵara wo machumi ghaŵi ndi ŵanayi, wo ŵaja pa vitengu-vyaufumu vyawo paurongo paku Chiuta, ŵanguwa kavunama, ŵangumlambiya Chiuta ŵakuti,

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

2 Mikoka 9:19

Ndipo vikozgo vya nkharamu chumi ndi ziŵi kuma ku rwandi ili ndi ili pa makwerero ghankhonde ndi limoza, Kwengavi chakuchitikapo viyo mu ŵakaronga wose ŵakudanga.