Mateyu 17:23 - Tonga Bible 1986

²³ ŵambayenge ndipo pa zuŵa lachitatu wayuskikenge.” Ndipo ŵanguchita chitima ukongwa.

Mateyu 17:23 Referans Kwoze

Mateyu 16:21

Kwanda pa nyengo yeniyiya Yesu wangwamba kurongo ŵasambizi ŵake kuti kutenere iyo kuruta ku Yerusalemu, ndi kuvwiyapo vinandi ku ŵara ndi ŵazukuru ŵara ndi ŵalembi kubayika, ndipo pa zuŵa lachitatu kuyuskika so.

Marko 8:31

Ndipo wangwamba kuŵasambizga, kuti kutenere Mwana wa munthu kuvwiyapo vinandi, ndi kukanika ndi ŵara, ŵazukuru ŵara ndi ŵalembi, ndi kubayika, ndipo pavuli pa mazuŵa ghatatu kuyuka.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Yohane 16:6

Kweni sono pakuti ndakukambiyani vyenivi, chisungu chazaza mtima winu.

Yohane 2:19

Wangwamuka Yesu wanguŵanene, “Bwanganduwani kasopi uyu, ndipo mu mazuŵa ghatatu ndimuyuskenge.”

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Yesaya 53:7

Wangusuzgika, ndi wangusunjizgika, kweni kuti wangubanuwa mlomo wake cha; nge ndi mberere yakurongozgeke kukubayika, ndi uli ndi mberere yo yili cheti paurongo pa ŵakuyisanga, viyo kuti wangubanuwa mlomo wake cha.

Sumu 22:15

nthazi yangu yamira nge ndi zinga, ndi lilime langu lakaniriya ku chavu changu; imwe mutindigoneka mu fuvu la nyifwa.

Sumu 16:10

Chifukwa imwe mulivi kundipereka ku muunda, pamwenga kuzomerezga mtuŵa winu kuti wawone zenje.

Mateyu 17:9

Ndipo ŵachisika ku phiri lo, Yesu wanguŵachinyiya, “Munganene yumoza cha chachiwona cho, mpaka penipo Mwana wa munthu wayuka ku ŵakufwa.”

Mateyu 20:19

ndipo ŵamkombolenge ku Mitundu kumtombozga ndi kumukwechuwa ndikumpayika; ndipo pa zuŵa lachitatu wayukenge.”

Mateyu 27:63

ŵakuti, “Abwana, takumbuka kuti mrandizgi yo weche wamoyo wanguti, ‘Pavuli pa mazuŵa ghatatu ndiyukenge.’

Marko 9:30

Wangutuwa kweniko, ŵanguporota mu Galile; ndipo kuti wakhumbanga cha kuti yumoza waziŵe.