Mateyu 17:17 - Tonga Bible 1986

¹⁷ Yesu wakwamuka wanguti, “Mgonezi wambura chivwanu ndi wakubende, mpaka zuŵanji nkhaŵanga namwe? Mpaka zuŵanji ndikunthiyengepo namwe? Mtoleni kuno kwaku ine.”

Mateyu 17:17 Referans Kwoze

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Mateyu 6:30

Kweni asani Chiuta wavwarika viyo uteka wamudondo, wo le ulipo, ndi mawa upong'eka ku chipa, asi ukongwa kwakuruska wamvwarika imwe, mwaŵachivwanu chimana?

Machitidu gha Ŵakutumika 13:18

Ndipo ankhumba kunyengo ya virimika machumi ghanayi wanguŵabapa mu bozwa lo.

Marko 16:14

Ndipo pavuli penipo wanguŵawoneke chumi ndi yumoza ŵija, ŵachija pa kurgha; ndipo wanguchenya uwura-chivwanu wawo ndi unononu wa mtima, pakuti ŵengavi kuvwana ndi ŵeniwo ŵangumuwona wati wayuka.

Marko 9:19

Ndipo wakuŵamuka wanguti, “A mphapu yambura chivwanu, mpaka zuŵanji nkhajanga namwe? Mpaka zuŵanji nkhakunthiyangapo namwe? Mtoleni kwaku ine.”

Mateyu 13:58

Ndipo kuti wanguchita kweniko vyanthazi vinandi cha, pa chifwa cha uzira chivwanu wawo.

Mateyu 8:26

Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru.

Nthanthi 1:22

“Mpaka zuŵanji, mwaŵana, mwanjenge vya chiwanamana? Mpaka zuŵanji ŵakutafura ŵakakondwerenga mu kutafura kwawo ndi ŵakupusa kutinkha zeru?

Maŵerengedu 14:27

“Mpaka zuŵanji ndikunthiyengepo pa wumba uheni uwu wo udinginika kumikana nane? Ndavwa madinginiku gha ŵaYisraele, gho ŵadinginikiya pa ku Ine.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

Luka 24:25

Ndipo iyo wanguti kwaku wo, “Mwaŵazira kuwamo ndi ŵachizita mu mtima, kuvwaniya mwaku vyose vyenivyo ŵangurongoro ŵamchimi wo!

Luka 9:41

Ndipo Yesu wakwamuka, wanguti, “Mphapu yambura chivwanu ndi yakwanangika! Mpaka zuŵanji ndiŵenge pamoza namwe, ndipo ndikunthiyengepo namwe? Mtole kuno mwana wako.”

Mateyu 16:8

Kweni Yesu, pakuziŵa, wanguti, “Mwaŵachivwanu chimana, chifukwa chine murongoro mwaku mwija, kuti mulive kupinga chiŵande?

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Chituwa 16:28

Ndipo Ambuya anguti kwaku Mosese, “Mpaka zuŵanji mweche kukana kusunga malangulu ghangu ndi marangu ghangu?

Nthanthi 6:9

Mpaka zuŵanje ukagonanga penipo, wamulese we? Ndi zuŵanje po uyukiyenge mu tulu?

Sumu 95:10

Virimika machumi ghanayi ndingukwiyiskika ndi mgonezi uwa; rekani ndinguti, ‘Mbanthu ŵakuranda mu mtima! Ŵakana kuvwiya marangu ghangu!’

Marangu 32:5

Ŵamuchitiya ukazuzi, kuti mbana wake sono cha, chifukwa cha kalema kawo. Ndiwo mugonezi wakusoŵa ndi wakunyongoroka.

Yesaya 19:14

Ambuya atimbulinkhang'a mukati mwake mzimu wa chimtimbaheka, Egipiti amuchitiska kuzendazenda mu vyakuchita vyake vyose nge ndi munthu wakuloŵe yo ŵazendazenda mu maukuzi ghake.

Mateyu 17:16

Ndipo ndingumtole ku ŵasambizi ŵinu, kweni ŵangutondeka kumuchizga.”

Mateyu 17:18

Yesu wangumchenya, ndipo wangutuwamo mwake demone yo: ndipo wanguchizgika mhurwa yo kutuwa ku ora leniliya.

Machitidu gha Ŵakutumika 2:40

Ndipo ndi mazu ghanyake ghanandi waŵasimikizganga ndi waŵachichizganga, wakuti, “Jitaskeni ku mgonezi wenuwu wakunyongoroka.”

2 ŴaKorinte 11:1

Mphanyi mungakunthiyapo nane mu kupusa kumanavi. Nadi kunthiyanipo nane.