Mateyu 16:27 - Tonga Bible 1986

²⁷ Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Mateyu 16:27 Referans Kwoze

2 ŴaKorinte 5:10

Pakuti tose tikawonekanga paurongo pa chitengu chakweruzgiyapo chaku Kristu; kuti yose waronde vyapa liŵavu, kwakulingana ndi vyo wachita, pamwe vyamampha, pamwe viheni.

Sumu 62:12

ndi kuti kwaku imwe, Ambuya, kwe chanju chikuru. Chifukwa imwe musuzula munthu kwakulingana ndi nchitu zake.

ŴaRoma 2:6

mweniyo wawerezgiyenge kwaku yose kwakulingana ndi nchitu zake.

ŴaRoma 14:12

Viyo na, munthu ndi munthu waku ifwe wajikambiyenge kwaku Chiuta mazu ghapa mtima waku yija.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

ŴaEfeso 6:8

pakuziŵa kuti chose chamampha chenicho munthu ndi munthu wangachita, chenicho wamronde so ku Ambuya, chingana ndi muŵanda, chingana ndi mwanangwa.

Yuda 1:14

Ndipo mphaku ŵenaŵa po wanguloske Hanoke, wachinkhonde ndi chiŵi kutuwa kwaku Adamu, wakuti, “Awonani, ŵanguza Ambuya ndi ŵakupaturika ŵaŵo vikwi chumi.

Nthanthi 24:12

Asani utiti, “Ehe tengavi kuchiziŵa ichi,” kumbi mweniyo wapima mtima, kuti watichiziŵa cha chenichi? Kumbi mweniyo wasunga mzimu wako kuti watichiziŵa cha chenichi, ndipo kumbi iyo kuti wakalipilanga munthu kwakuyana ndi nchitu yake cha?

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Jobu 34:11

Chifukwa wamuwezgiyenge munthu kwakuyana ndi nchitu yake, ndi wakamuchitiyanga munthu kwakuyana ndi kayendero kake.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Luka 21:27

Ndipo sono ŵakamuwonanga Mwana wa munthu wakuza mu mtambo ndi nthazi ndi unkhankhu ukuru.

Marko 14:62

Ndipo Yesu wanguti, “Ndine: ndipo mukawonanga Mwana wa munthu kuja ku janja la marghe la Nthazi, ndi kuza pa mitambo ya kuchanya.”

Marko 8:38

Chifukwa yose wachitenge soni paku ine ndi mazu ghangu mu mgonezi uno waureŵi ndi waulakwi, Mwana wa munthu nayo wamuchita soni paku iyo, penipo wazenge mu unkhankhu wa Awiske pamoza ndi ŵangelo ŵakupaturika.”

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Zekariya 14:5

Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.

Ezekiele 7:27

Karonga watenje, fumu yavwara soka, ndipo manja gha ŵanthu mu charu ghaphapha ndi mantha. Ndiŵachitiyenge kwakulingana ndi nthowa zawo, ndipo kwakuyana ndi vyeruzgu vya ŵeneko ndiŵeruzgenge; sono ŵakaziŵanga kuti ine ndine Ambuya.”

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Machitidu gha Ŵakutumika 1:11

wo nawo ŵanguti, “Mwaŵanthu ŵaGalile, mwamiyanji ŵakulereska kuchanya? Mwenuyu Yesu, yo warondekako kwinu kuruta kuchanya wamkuza viyo mo mwamwone wachiruta kuchanya.”

Mateyu 26:64

Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.”

1 Petro 1:17

Ndipo asani mumudana Dada mweniyo kwambura kurumba chisku ngwakweruzgiya uli ndi nchitu ya munthu yose, mu wofi jaririyani nyengo yo ya chitandara chinu:

Luka 22:69

Kweni kutuwa ku sono Mwana wa munthu wajariyenge pasi ku marghe gha nthazi yaku Chiuta.”

Luka 9:26

Chifukwa mweniyo yose wakanyariyenge ine ndi mazu ghangu, Mwana wa munthu wakanyariyenge iyo, penipo wakazanga mu unkhankhu wake, ndi wa Awiske, ndi ŵangelo ŵakhovu.

Mateyu 13:49

Kwakulingana, ndimu kuŵiyenge pa umari wa mgonezi. Ŵangelo ŵatuwenge, ndipo ŵapatuwengemo ŵaheni mukati mu ŵarunji,

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

1 ŴaTesalonika 1:10

ndi kwachilindizga Mwana wake wachisoromoka kuchanya, mweniyo wangumyuska ku ŵakufwa Yesu, mweniyo ngwakutitaska ku kandundu ko katuza.

1 ŴaTesalonika 4:16

Pakuti Ambuya ŵeneko ŵakasikanga kutuwa kuchanya ndi mdanu, ndi mazu gha mungelo-mura, ndi ndi mbata yaku Chiuta; ndipo ŵakufwiya mwaku Kristu ŵakayukanga danga:

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

1 ŴaKorinte 8:8

Kweni chakurgha kuti ndicho chititore ifwe pa maso paku Chiuta cha: asani tireka kurgha kuti ndipo te ŵaheni kwakuruska cha, asani titurgha kuti ndipo te ŵamampha kwakuruska cha.

Mateyu 8:20

Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.”

Wakutaula 3:17

Ndingunena mu mtima wangu, Chiuta wakeruzganga ŵarunji ndi ŵaheni, pakuti wamika nyengo pa kafukwa ke kose, ndi pa nchitu ye yose.

Ezekiele 18:20

Mzimu wo unanga ndiwo ukafwanga. Mwana kuti wakasuzgikanga pa kunanga kwa awiske cha, pamwenga wiske kusuzgika pa kunanga kwa mwana cha; urunji wa murunji ukaŵanga paku iyo mweneko, ndipo uheni wa muheni ukaŵanga pa mweneko.

Yohane 21:22

Yesu wangunena nayo, “Asani ndingakhumba kuti waje ndi umoyo mpaka po ine nthuza, nchine kwaku iwe? Iwe, rondo ine.”

Yohane 21:23

Viyo mazu yagha ghanguwanda mu ŵabali wo, ghakuti msambizi mweniyuwa kuti wakafwanga cha. Kweni Yesu wengavi kumnene kuti warekenge kufwa; iyo wanguti, “Asani ndi ngakhumba kuti waje ndi umoyo mpaka po ine nthuza, nchine kwaku iwe?”

1 ŴaKorinte 3:13

nchitu yake yose yikawonekanga: chifukwa zuŵa lo yikayirongonga, pakuti yikavumbulikanga mu moto; ndipo nchitu yaku yose mo yiriri, moto ndiwo wesenge nchituyo.

1 ŴaKorinte 15:23

Kweni yose mu mindondomeku wake: Kristu mruwuku; pavuli pake wo mbaku Kristu, pa uzi wake.

ŴaKolose 3:25

Chifukwa wakwananga wamuronde so kwananga kwake: ndipo kuti kwe kurumba chisku cha.

Yakobe 5:7

Viyo, mwa ŵabali, kunthiyanipo mpaka uzi wa Ambuya. Awonani, mlimi yo walindizga chipasi chakuzirwa cha charu, paku cho, mpaka wangaronde vuwa ya mtumbuku ndi ya pa vuli.

1 Yohane 2:28

Ndipo sono, mwatwana twangu, jaririyani mwaku iyo, alinga kuti, wachiwoneka, tiŵe ndi chigomezgu ndi kulengeka lilengu cha paurongo pake, pa uzi wake.