Mateyu 16:13 - Tonga Bible 1986

¹³ Ndipo Yesu, wati waza mu vigaŵa vyaku Kaesarea Filipi wangufumba ŵasambizi ŵake, wakuti, “Ŵanthu ŵatiti Mwana wa munthu ndi yani?”

Mateyu 16:13 Referans Kwoze

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Yohane 5:27

ndipo wampaska mtufu kuchita cheruzgu, pakuti ndi Mwana wa munthu.

Mateyu 9:6

Kweni alinga kuti muziŵe kuti Mwana wa munthu we nayo nthazi panupasi kwachireke vyakulakwa,” sono watiti ku wavinjenje yo, “Soka, to mphasa zako, ndi rutanga ku nyumba yako.”

Mateyu 13:37

Ndipo wa munthu;

Mateyu 12:8

Chifukwa Mwana wa munthu ndi mweni-sabata.”

Mateyu 8:20

Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.”

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Machitidu gha Ŵakutumika 7:56

ndipo wanguti, “Awonani, ndiwona machanya gho ghakujurika, ndi Mwana wa munthu yo watuma ku marghe ghaku Chiuta.”

Yohane 12:34

Mzinda wo ungumwamuka, “Ifwe tavwa ku langulu lo, kuti Kristu wakajaririyanga muyaya. Ukamba uli iwe, mwana wa munthu watenere kusoskeka? Njani uyu Mwana wa munthu?”

Marko 10:45

Chifukwa Mwana wa munthu nayo kuti wanguza kuzachiteŵeteke cha, kweni kuzachiteŵete, ndi kupereka umoyo wake thumba lapa ŵanandi.”

Marko 8:38

Chifukwa yose wachitenge soni paku ine ndi mazu ghangu mu mgonezi uno waureŵi ndi waulakwi, Mwana wa munthu nayo wamuchita soni paku iyo, penipo wazenge mu unkhankhu wa Awiske pamoza ndi ŵangelo ŵakupaturika.”

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Mateyu 15:21

Ndipo Yesu wangutuwa kweniko, ndipo wanguruta ku vigaŵa vya Turo ndi Sidoni.

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

Mateyu 12:32

Ndipo yose yo wanganena mazu ghaheni pa Mwana wa munthu, kugowokelekiyenge iyo; kweni yose yo wangakamba pa Mzimu Wakupaturika yo, kuti kugowokelekiyenge iyo cha, chingana ndi mu umoyo uno, chingana ndi mwaku wo utuza.

Yohane 3:14

Nge ndimo Mosese wangusoske njoka yamu bozwa, viyo kutenere Mwana wa munthu kusoskeka:

Yohane 1:51

Ndipo wangumnene, “Nadidi, ndikuneneskiyani, muwonenge kuchanyakujurika, ndi ŵangelo ŵaku Chiuta ŵakwera ndi kusikiya pa Mwana wa munthu.”

Mateyu 12:40

Chifukwa uli ndimo Yona wanguŵiya mumoyu mwa chisomba cho mazuŵa ghatatu ndi mausiku ghatatu; viyo so ndimu Mwana wa munthu waŵiyenge mukati mu charu mazuŵa ghatatu ndi mausiku ghatatu.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Mateyu 16:28

Ndikuneneskiyani, Alipo ŵanyake ŵaku wo ŵatuma panu, wo kuti ŵesenge nyifwa cha, mpaka po ŵawona Mwana wa munthu wachiza mu ufumu wake.”