Mateyu 14:19 - Tonga Bible 1986

¹⁹ Ndipo wati walanguliya mizinda kuteka pasi pa uteka, ndipo wati waronde viŵande vyo vinkhonde ndi somba zo ziŵi, wakulereska kuchanya wangutumbika, ndipo wati wamenya wangupaska viŵande ku ŵasambizi, ndi ŵasambizi wo ku mizinda.

Mateyu 14:19 Referans Kwoze

Luka 24:30

ndipo kunguŵa, wachija nawo pa kurgha, wanguti wato chiŵande, wanguchitumbika, ndipo wanguti wamenya, wapaskanga kwaku wo.

1 Samuele 9:13

Mutakuti mwasere mu msumba, mumusaniyenge, wenga wandarute kwa chirgha pa malo gha pachanya; chifukwa ŵanthu kuti ŵangargha cha mpaka penipo iyo waza pakuti ndiyo watenere kudanga kutumbika sembe; sono pavuli ndipo ŵakudanika wo ŵarghenge Viyo kwerani mukumanenge nayo sosonukweni.”

Machitidu gha Ŵakutumika 27:35

Ndipo wanguti wakamba viyo, wanguto chiŵande, wangumwonga Chiuta paurongo paku wose, ndipo wanguti wamenya, wangwanda kurgha.

Marko 6:41

Ndipo wati wato viŵande vinkhonde vyo ndi somba zo ziŵi, wangulereska kuchanya, wangutumbika, ndipo wangumenya viŵande vyo; wangupaska ku ŵasambizi kuti waŵajarikiye; ndi somba ziŵi zo wangugaŵiya wose.

1 ŴaKorinte 11:24

Ndipo wanguti wawonga, wangumenya, ndipo wanguti, “Chenichi ndi liŵavu langu, lapa chifwa chaku imwe: chenichi chitani kwachikumbuka ine.”

ŴaRoma 14:6

Yo waphwere zuŵa, ku Mbuya waliphwerere: ndipo yo waturgha, ku Mbuya waturghiya, pakuti wamuwonga Chiuta; ndipo wakureka kurgha, ku Ambuya walive kurghiya, ndipo wamwonga Chiuta.

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

1 ŴaKorinte 10:16

Chandi cha chitumbiku cho titumbika, asi tisangana mu ndopa zaku Kristu? Chiŵande cho timenya, asi tisangana mu liŵavu laku Kristu?

Luka 9:14

Chifukwa kwenga akhumba ŵanthurumi vikwi vinkhonde (5,000). Ndipo wanguti ku ŵasambizi ŵake, “Muŵatekeske mu mabungwi mpaka akhumba gha machumi ghankhonde.”

Marko 7:34

ndipo, wati walereska kuchanya, wangusiska mtima, ndipo wanguti kwaku iyo, “Efata, ko nkhuti, Banuka.”

1 ŴaKorinte 10:31

Viyo chingana muturgha, chingana mutumwa, chingana muchitanji, chitiyani vyose ku unkhankhu waku Chiuta.

Yohane 6:23

Kweni tunguzako tungaraŵa twakutuwa ku Tiberia kufupi ndi malo gho ŵangurghiyako chiŵande cho, wati ŵawonga Ambuya.

Marko 6:39

Wanguŵalanguliya kuteka pasi, mabungwi mabungwi, pa uteka uŵisi.

Yohane 11:41

Viyo wangutuzgako mwa. Ndipo Yesu wangwinuskiya kuchanya maso ghake, wanguti, “Ada, ndikuwongani kuti mwandivwa.

Luka 22:19

Ndipo wanguto chiŵande, ndipo wati wawonga wangumenya, ndi wangupaska kwaku wo, wakuti, “Chenichi ndi liŵavu langu, [lakupaskikiya chifukwa chaku imwe; chenichi chitiyani kwachikumbuka ine.”

Luka 9:16

Ndipo wanguto viŵande vyo vinkhonde ndi somba zo ziŵi, ndipo wati walereska kuchanya, wanguvitumbika, ndipo wangumenya; ndipo wanguvipaska ku ŵasambizi kujarika paurongo pa mzinda wo.

Mateyu 14:18

Iyo wanguti, “Vitoleni kuno kwangu.”

Luka 22:17

Ndipo wanguronde jomera, ndipo wati wawonga wanguti, “Toni lenili, ndi gaŵanani: