Mateyu 12:39 - Tonga Bible 1986

³⁹ Kweni wakwamuka wanguti kwaku wo, “Mgonezi uheni ndi ureŵi upenja chisimikizgu; ndipo kuti chisimikizgu chipaskikenge kwaku wo cha, kweni cho chaku Yona mchimi yo.

Mateyu 12:39 Referans Kwoze

Mateyu 16:4

Mphapu yiheni ndi yireŵi yipenja chisimikizgu, ndipo kuti chisimikizgu chipaskikenge kwaku yo cha, kweni chisimikizgu cho chaku Yona.” Ndipo wanguŵareka wangutuwapo.

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

Marko 8:38

Chifukwa yose wachitenge soni paku ine ndi mazu ghangu mu mgonezi uno waureŵi ndi waulakwi, Mwana wa munthu nayo wamuchita soni paku iyo, penipo wazenge mu unkhankhu wa Awiske pamoza ndi ŵangelo ŵakupaturika.”

Yesaya 57:3

Kweni imwe, ndereni pano pafupi, mwaŵana ŵa vyanusi, mphapu ya mureŵi ndi wachigololo.

2 ŴaKaronga 14:25

Wanguwerezgamo mphaka yaku Yisraele kwamba pakuserere mu Hamati kwachifika ku Nyanja ya Raba, kwakuyana ndi mazu gha Ambuya, Chiuta waku Yisraele, gho wangukambiya mu mteŵeti wake Yona mwana waku Amatayi, mchimi, yo wangutuwa ku Gatihefere.

Yona 1:1

Sono mazu gha Ambuya ghanguza kwaku Yona mwana waku Ambitayi, ghakuti,

Marko 8:12

Wakutamantha ukongwa mu mzimu wake, watiti, “Mgonezi uno upenjiyanji chisimikizgu? Nadidi ndinene imwe, kuti chipaskikenge chisimikizgu ku mgonezi uno cha.”