Mateyu 12:34 - Tonga Bible 1986

³⁴ Mphapu za vipiriŵiza, mwa ŵakuŵa ŵaheni mungaziŵa uli kurongoro vyamampha? Chifukwa kutuwa ku ufurwi wa mtima mlomo urongoro.

Mateyu 12:34 Referans Kwoze

Luka 6:45

Munthu wamampha mu mbiku yamampha ya mtima wake watomu cho nchamampha; ndi mheni nayo mu uheni watomu cho nchiheni: pakuti vyakutuwa mu ufurwi wamu mtima, mlomo wake urongoro.

Mateyu 15:18

Kweni vyakutuwa mu mlomo vituliya mu mtima; ndipo ndivyo vikazuzga munthu.

ŴaEfeso 4:29

Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa.

1 Samuele 24:13

Nge ndimo nthanthi ya ŵamwaka yikambiya, ‘Mu mheni mutuwa uheni,’ kweni janja langu kuti limikanenge namwe cha.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Yesaya 32:6

Pakuti mubereŵeza warongoro ubereŵeza mtima wake utata mphurupuru: kwachichita uchikanamarangu, kurongoro gha kusovya pa Ambuya, kujowo kupaska wanja vyo wanweka ndi kunora maji wanyota.

Mateyu 23:33

Mwazinjoka, mphapu ya vipiriŵiza, mungathaŵa uli cheruzgu cha Gehena?

Yesaya 59:14

Cheruzgu chirunji chawere vuli, ndipo ukongorekwa utuma kutali kuwa, pakuti uneneska wawa mu maluluwa ghanandi, ndipo urunji kuti ungasere cha.

Sumu 64:3

wo ŵanora malilime ghawo nge ndi malipanga, wo ŵatweŵa mazu gha kuŵaŵa nge ndi mivwi,

Mateyu 3:7

Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?

Luka 3:7

Viyo waneniyanga mizinda yakuziya kwachibatizika ndi iyo, “Mphapu za njoka, njani wangukucheŵeskani kuthaŵa kandundu ko katuza?

Yesaya 59:4

Palivi yumoza yo wasere pa mlandu mu uneneska palivi yo watiya ku dangu mu ukongorekwa; ŵayegeme pa mpandira uyumu, ŵarongoro mautesi, ŵazuwuka urwani, ndipo ŵapapa mphurupuru.

Sumu 53:1

Muzereza watiti mu mtima wake, “Kulivi Chiuta.” Mbakuvunda, ŵachita ukazuzi; kulivi nanga njumoza wakuchita umampha.

Sumu 64:5

Ŵatijikhomeska mu fundu yawo yiheni; ŵakambirana vya kuthya viŵana mwakubisika, ŵaghanaghana kuti, “Njani wakatiwonanga?”

Nthanthi 4:23

Sunga mtima wako ndi kulereska kose, pakuti kwaku gho kupopoma tumisinje twa umoyo.

Nthanthi 16:23

Muwongo wa wazeru uchita kurongoro kwake kuŵa cheruzgu, ndipo kusazgiyako kuchichizga ku milomo yake.

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

ŴaEfeso 5:4

chingana ndi lilengu, chingana mbubepi, chingana ndi mphekulu yiheni, vyenivyo vyambura kuyamo; kweni ukongwa kuwonga.

Yakobe 3:2

Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo.