Mateyu 10:26 - Tonga Bible 1986

²⁶ “Viyo mungopanga wo cha: chifukwa palive kakuvunikirika ko karekenge kuvunulika; ndi kakubisika ko karekenge kuziŵikwa.

Mateyu 10:26 Referans Kwoze

Luka 8:17

Chifukwa palive kakubisika ko karekenge kuwoneka; chingana nkhachibisibisi ko karekenge kuziŵikwa ndi kuburika ku ukweru.

Yeremiya 1:8

Ungopanga iwo cha, pakuti nde nawe kukutaska iwe,” atiti Ambuya.

Marko 4:22

Chifukwa kuti kalipo kakubisika cha ko karekenge kurongoleka; chingana nkhuti kanthu kaŵe ka muchibisibisi ko karekenge kuziŵika pakweru.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

Mateyu 10:28

Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Nthanthi 28:1

Ŵamphulupulu ŵathaŵa penipo palivi mweniyo watuŵadikiska, kweni ŵarunji mbakukhwima mtima uli ndi nkharamu.

1 Petro 3:14

Kweni asani mungakomwa pa chifwa cha urunji, mweŵamwaŵi; viyo mungopanga chofyu chawo, ndipo mungatenthemeskeka cha.

Ezekiele 2:6

Ndipo iwe, mwana wa munthu, ungaŵawopanga cha, nanga nkhopa mazu ghawo, nanga mukwakwazu ndi minga vye paku iwe ndipo uja pasi pa vipiliri; kopa mazu ghawo cha, pamwenga kulakatuka ndi kalereskero kawo, chifukwa ndiwo nyumba yakugaruka.

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Machitidu gha Ŵakutumika 4:19

Kweni Petro ndi Yohane, pakuŵamuka, ŵanguti, “Asani nkhwakurunjika paurongo paku Chiuta kuvwiya imwe kwakuruska Chiuta, yeruzgani;

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Machitidu gha Ŵakutumika 4:13

Ndipo pakuwona chiganga chaku Petro ndi Yohane, ndi pakuthoŵa kuti ŵenga ŵanthu ŵambura kusambira ndi ŵaŵaka, ŵazizwanga ndipo ŵaŵateskanga kuti ŵaŵanga pamoza ndi Yesu.

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Nthanthi 10:9

Mweniyo watenda mu ukongorekwa watenda ndi kuvikirika kweni wanyongoroska nthowa zake wabowozgekenge.

Wakutaula 12:14

Chifukwa Chiuta wakatoriyanga nchitu yose ku cheruzgu, pamoza ndi kanthu ke kose kakubisika, manyi nkhamampha pamwenga kaheni.