Mateyu 10:22 - Tonga Bible 1986

²² Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

Mateyu 10:22 Referans Kwoze

Mateyu 24:13

Kweni wakukunthiyapo mpaka umari, mweniyo wataskikenge.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Marko 13:13

Ndipo mukaŵanga ŵakutinkhika ndi wose chifukwa cha zina langu. Kweni yo wakunthiyengepo mpaka umari, mweniyo wakataskikanga.

Mateyu 10:39

Yo wasaniya umoyo wake, wawutayenge; ndipo wakutaya umoyo wake pa chifukwa chaku ine, wawusaniyenge.

1 Yohane 3:13

Mwa ŵabali, mungazizwanga asani charu chikutinkhani.

Mateyu 24:9

“Penipo ŵamkukukomboleni ku suzgu, ŵamkukubayani: ndipo muŵenge ŵakutinkhika ndi mitundu yose pa chifukwa cha zina langu.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

ŴaHebere 6:11

Ndipo tinweka kuti munthu yose waku imwe warongonge phamphu lenilo pe ku uzali wa chigomekezgu mpaka ku umari:

Yohane 17:14

Ine ndaŵapaska mazu ghinu; ndipo charu cho chaŵatinkha, pakuti kuti mba charu cha, nge ndimo ine ndiriri wa charu cha.

ŴaGalatia 6:9

Ndipo tingavuka cha pakuchita cho nchamampha: chifukwa pa nyengo yake yiyo tikavunanga, pakureka kuropwa.

Luka 6:22

“Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

2 ŴaKorinte 4:11

Chifukwa nyengo yose taŵakuŵa ŵamoyo tiperekeka ku nyifwa chifukwa chaku Yesu, mwakuti umoyo nawo waku Yesu urongolekenge mu liŵavu lidu lachifweni.

Mateyu 5:11

“Mwe ŵakutumbikika penipo ŵanthu ŵamtoza ndi kuŵemba imwe, ndipo ŵamnena chiheni chose paku imwe kwautesi, pa chifukwa chaku ine.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Luka 8:15

Ndipo yo yamu charu cheneko mbeniwo wose pakuvwa mazu, ŵatighakoreska mu mtima uneneska ndi wamampha, ndi ŵapasa vipasi ndi chisisi.

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

Chivumbuzi 2:26

Ndipo yo wapunda, ndi yo wasunga nchitu zangu mpaka ku umari, kwaku iyo nkhapaskanga mtufu pa mitundu yo,

Machitidu gha Ŵakutumika 9:16

chifukwa nkhamurongonga vyo vyose kutenere iyo kukunthiyapo pa chifwa cha zina langu.”

Chivumbuzi 2:3

ndiziŵa kuti unkhunthiya we nawo, ndi kuti wavwiyapo suzgu yikuru chifukwa cha zina langu, kweni kuti wagongowa cha.

Nthanthi 29:27

Munthu wambura kuchita urunji mbukazuzi ku murunji, kweni mweniyo nthowa yake njakunyoroka mbukazuzi ku wamphulupulu.

Luka 21:17

Ndipo muŵenge ŵakutinkhika ndi wose chifukwa cha zina langu.

Luka 21:19

Mu unkhunthiya winu mwanduliyenge mizimu yinu.