Mateyu 1:20 - Tonga Bible 1986

²⁰ Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Mateyu 1:20 Referans Kwoze

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

Mateyu 1:18

Kweni kawidu kaku Yesu Kristu kenga viyo. Nyina wake Mariya wati wajaririka ndi Yosefe, ŵandafikane iwo, wangusanirika ndi nthumbo kutuwa ku Mzimu Wakupaturika.

Mateyu 2:19

Kweni wati wafwa Herode, wonani mungelo wa Ambuya mu loto wangumwoneke Yosefe mu Egipiti, wakuti,

Yoele 2:28

“Ndipo kuŵenge kuti pavuli, ndipunguliyenge mzimu wangu pa ŵanthu wose; ndipo ŵana ŵinu ŵanthurumi ndi ŵana ŵinu ŵanthukazi ŵachimenge, ndipo ŵaraŵara ŵalotenge maloto, ŵanyamata ŵawonenge chiwona.

Luka 2:4

Ndipo Yosefe nayo, kutuwa ku Galile, ku muzi Nazarete, wangukwere ku Yuda, ku muzi waku Davidi, wo uzumbulika Betelehemu, chifukwa kuti wenga wamunyumba ndi wa mbumba yaku Davidi;

Mateyu 28:5

Kweni mungelo yo wakwamuka wanguŵanene ŵanthukazi, “Mungopanga cha, chifukwa ndiziŵa kuti mupenja Yesu yo wangupayikika.

Yesaya 26:3

Mutimusunga iyo mu chimangu cheneko, mweniyo mtima wake ukula pinu, chifukwa wagomekezga mwaku imwe.

Ŵeruzgi 13:3

Ndipo mungelo wa Ambuya wanguwoneka ku munthukazi wanguti kwaku yo, “Ehe, we chumba ndipo ulivi ŵana, kweni ukaŵanga ndi nthumbo, ukapapanga mwana munthurumi.

Chiyambo 31:11

Sono mungelo waku Chiuta wanguti kwaku ine mu loto, ‘Yakobe,’ ndipo ndinguti, ‘Nde pano!’

Mateyu 2:22

Kweni pakuvwa kuti Arkelao wausanga mu Yuda mu malo ghaku Herode awiske, wangopa kuya kweniko; kweni pakuchenjezgeka mu loto, wangulazgiya ku mphaka za Galile.

Sumu 143:8

Ndigomekezga mwaku imwe; ku mlenji ndikumbuskeni vya chifundu chinu. Ndirongoni nthowa yo ndendengemo, marombu ghangu ghakwere ko kwinu.

Sumu 119:125

Ndine mteŵeti winu; mundipaske kuwamo, mwakuti ndiziŵiske visimisimi vinu!

Sumu 94:19

Penipo ndi kweŵeka ndi kulampha-lampha, mutindisangaruska ndi kundikondweska.

Mateyu 2:13

Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Yeremiya 33:26

iku ndikapatanga mphapu yaku Yakobe ndi Davidi mteŵeti wangu, ndipo kuti ndikasankhanga yumoza cha wa ŵamphapu yake kuwusa pa mphapu yaku Abrahamu, Yisaki ndi Yakobe. Pakuti ndikaŵachitiyanga so umampha, ndipo ndikaŵanga ndi lisungu paku iwo.”

Yesaya 30:21

Ndipo makutu ghinu ghakavwanga mazu kuvuli kwinu, kuti, “Nthowa ndi iyi, yendaninga mwaku yo,” penipo mupatukiya ku marghe ndi penipo mupatukiya ku maze.

Nthanthi 12:5

Maghanaghanu gha murunji nga kurunjika; vipangu vya wamphulupulu vyakupusika.

1 ŴaKaronga 17:13

Ndipo Eliya wanguti kwaku cho, “Ureke kopa; rutanga kachite nge ndimo wakambiya, kweni udange chandichitiya ine kachiŵande kamanavi kaufwa wo uzi nako kunu kwangu, ndipo pavuli ujinozge iwe ndi mwana wako.

Yeremiya 40:9

Gedaliya mwana waku Ahikamu, mwana waku Shafani wangurapa kwaku wo ndi ŵanthu ŵawo, wakuti, “Mungopanga cha kutataliya ŵaKaldiya. Janinga mu charu, tataliyani karonga wa Babiloni, ndipo kukamuŵiyaninga umampha.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

Chiyambo 46:3

Viyo wanguti, “Ndine Chiuta, Chiuta wa ausu; ungopanga cha kusikiya ku Egipiti; pakuti kwenikuwa ndakukuchita mtundu ukuru.

Yesaya 7:2

Penipo ŵanguyinene nyumba yaku Davidi kuti, “Siriya wazomerezgana ndi Efraimu,” mtima wake ndi mtima wa ŵanthu ŵake ungusukunika uli ndimo miti yamu lisuwa yisukunikiya paurongo pa mphepo.

Yesaya 7:13

Ndipo wanguti, “Avwani iku, mwa nyumba yaku Davidi! Kumbi nkhanthu kamanavi kwaku imwe kuvuska ŵanthu, ndi kuti muvuska so Chiuta wangu?

1 ŴaKaronga 3:5

Pa Gibeoni Ambuya angumuwoneke Solomoni mu loto ndi usiku: ndipo Chiuta wanguti, “Upemphe chenicho ndikupaskenge?”

Mateyu 2:12

Ndipo pakucheŵeskeka mu loto kuti ŵareke kuwere so kwaku Herode, ŵangukiya mu nthowa yinyake kuwere ku charu chawo.

Mateyu 27:19

Kweni wachija iyo pa chakweruzgiyapo, muwoli wake wangumutumiya mazu, wakuti, “Uŵevi kanthu ndi murunji mweniyo; chifukwa le mu lotu ndakomwiyapo vinandi pa chifwa chake.”

Machitidu gha Ŵakutumika 5:19

Kweni mungelo wa Ambuya ndi usiku wangujurako ku makhomo gha ulinda wo, ndipo wati waŵarongozge kubwaro wanguti,

Chivumbuzi 19:7

Tisangaruke ndi tikondwe ukongwa: tipaske iyo unkhankhu: pakuti yafika nthengwa ya Mwana-mberere yo, ndipo muwoli wake wajirongoso.