Marko 9:7 - Tonga Bible 1986

⁷ Ndipo mtambo unguŵavimba: ndipo lingutuwa mu mtambo liyowozi, “Mwenuyu ndi Mwana wangu wakwanjiwa: muvweni iyo.”

Marko 9:7 Referans Kwoze

2 Petro 1:17

Chifukwa kwaku Chiuta Dada wanguronde thamu ndi unkhankhu, penipo kutuliya ku unkhankhu wo wakuzungura ghangumziya mazu ghakuti, “Mwenuyu ndi Mwana wangu wakwanjiwa, mwaku mweniyo ndikondwere ine.”

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Marko 1:11

ndipo lingutuwa kuchanya liu, lakuti, “Iwe ndiwe Mwana wangu Wakwanjiwa, mwaku iwe ndikondwere.”

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 6:69

Ndipo ifwe tavwana ndipo taziŵa kuti imwe ndimwe wakupaturika yo waku Chiuta.”

Yohane 1:34

Ndawona ine, ndipo ndasimikizga kuti Mwenuyu ndi Mwana waku Chiuta.”

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

ŴaRoma 1:4

ndipo kuchiri ku Mzimu Wakupaturika, wangusimikizgika ndi nthazi kuŵa Mwana waku Chiuta ndi chiyuka cha ŵakufwa, Yesu Kristu Ambuyafwe;

Machitidu gha Ŵakutumika 8:36

Ndipo ŵachiruta mu nthowa yo, ŵanguza pa maji ghakuti; ndipo wamthenu yo wanguti, “Awonani, maji! Chitindikanizga chine kubatizika?” [

Machitidu gha Ŵakutumika 7:37

Mwenuyu ndi Mosese yo wanguti ku ŵana ŵaku Yisraele, ‘Chiuta wamkukuyuskiyani mchimi wamu ŵabali ŵinu, uli ndimo Wanguyuskiya ine.’

Machitidu gha Ŵakutumika 1:9

Ndipo wanguti wakamba mazu yagha, ŵachilereska iwo, wangutoreke kuchanya; ndipo mtambo ungumronde ku maso kwawo.

Yohane 19:7

ŴaYuda ŵangumwamuka, “Ifwe te nalo langulu, ndipo mwa langulu lenilo watenere kufwa, pakuti wajisanduska Mwana waku Chiuta.”

Yohane 9:35

Yesu wanguvwa kuti ŵamudikiya kubwaro; ndipo wati wambowozga wanguti, “Kumbi uvwana iwe mu Mwana waku Chiuta?”

Yohane 5:37

Ndipo Dada yo wandituma, ndiyo warongorore mwaku ine. Inwe kuti mukuvwapo mazu ghake cha, kuti mukuwonapo chisku chake cha;

Yohane 5:18

Viyo chifukwa chenicho ŵaYuda ŵapenjanga ukongwa kumbaya, chifukwa kuti Sabata pe cha, kweni so chifukwa wakambanga kuti Chiuta ndi Wiske wapamtima wake, wakujiyaniska ndi Chiuta.

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Chituwa 40:34

Sono mtambo unguvimba pa hema lakuwunganamo ndi unkhankhu wa Ambuya unguzaza hema lakupaturika.

Chituwa 24:16

Unkhankhu wa Ambuya unguma pa phiri Sinai, ndipo mtambo ungulivimba mazuŵa ghankhonde ndi limoza; ndipo pa zuŵa la chinkhonde ndi chiŵi wangudanilizga kwaku Mosese kutuliya mu mtambo.

Marko 9:6

Chifukwa kuti waziŵanga cha cho wangamuka; pakuti wenga wamantha ukongwa.

Marko 9:8

Ndipo kwamabuchibuchi ŵachilereska kwakuzunguliya, kuti ŵanguwona so munyake cha, kweni Yesu pe pamoza ndi iwo ŵija.

Luka 3:22

ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

Yohane 12:28

‘Ada, kankhuskani zina linu.’ ” Viyo kunguza liu lakutuwa kuchanya, lakuti “Ndalikankhuska, ndipo ndilikankhuskenge so.”