Marko 9:35 - Tonga Bible 1986

³⁵ Ndipo wachija pasi, wangudana chumi ndi ŵaŵi, watiti kwaku wo, “Asani yumoza wakhumba kuŵa wachimoza, waŵe wakumariya limu waku wose, ndi mteŵeti waku wose.”

Marko 9:35 Referans Kwoze

Luka 22:26

Kweni imwe viyo cha; kweni mraku mwaku imwe waŵenge nge ndi mumanako; ndi chirongozgi nge ngwakuteŵeta.

Mateyu 23:11

Kweni muraku waku imwe wakaŵanga mteŵeti winu.

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Yeremiya 45:5

Ndipo kumbi utijipenje vinthu vikuru? Reka kuvipenja; pakuti, ehe, nditole chiheni pa vyamoyo vyose, atiti Ambuya: kweni ndikakupaskanga iwe umoyo wako nge ndi mphoto ya nkhondo mu malo ghose kweniko ungaya.”

Nthanthi 13:10

Ndi mutafu wambura kuphwere wachita ndeu, kweni ŵeniwo wazomera kuŵapanga fundu ndi zeru.

Marko 9:36

Ndipo wanguto kana, wangukamika mukati mwawo; ndipo pakukapakata wanguŵanene,