Marko 9:32 - Tonga Bible 1986

³² Kweni iwo kuti ŵanguwamo kakambidu ko cha, ndipo wopanga kumfumba.

Marko 9:32 Referans Kwoze

Luka 18:34

Ndipo iwo kuti ŵanguwamo kanthu kaku vyenivi cha; ndipo nenedu lenili lenga lakubisika kwaku wo, ndipo kuti ŵateskanga cha makambidu gho.

Luka 9:45

Kweni kuti ŵanguwamu iwo cha mu kambidu lenili, ndipo lenga lakubisika kwaku wo, alinga ŵangaliziŵiska cha; ndipo wopanga kumfumba ndi kambidu lo.

Luka 2:50

Ndipo iwo kuti ŵanguwamo cha mu lineno lo wangukamba nawo.

Yohane 16:19

Yesu wanguteska kuti ŵakhumbanga kumfumba, wangunena nawo, “Kumbi mufumbiskana paku chenichi, pakuti ndinguti, ‘Kanyengo kamanavi, kuti mundiwonenge cha, ndipo so kanyengo kamanavi, ndipo mwamkundiwona pavuli?’

Yohane 12:16

Ŵasambizi ŵake ŵengavi kuwamo ichi pa mtendeku; kweni penipo Yesu wangukankhuskika sono Wangukumbuka kuti ivi vingulembeke iyo, ndi kuti ŵangumchitiya iyo vyenivi.

Marko 9:10

Viyo ŵangughasunga gho mazu, kweni ŵakufumbana mwaku ŵija, “Nkhune kuyuka ko ku ŵakufwa?”

Yohane 4:27

Ndipo panyengo yeniyiya ŵanguza ŵasambizi ŵake; ndipo ŵanguzizwa kuti warongoronga ndi munthukazi; kwenidi kwengavi yumoza wanguti, “Mupenjanji?” pamwenga, “Murongoronji nayo?”

Luka 24:45

Sono wangubanuwa chinjeru chawo kuwamo mu malembo gho;

Marko 16:14

Ndipo pavuli penipo wanguŵawoneke chumi ndi yumoza ŵija, ŵachija pa kurgha; ndipo wanguchenya uwura-chivwanu wawo ndi unononu wa mtima, pakuti ŵengavi kuvwana ndi ŵeniwo ŵangumuwona wati wayuka.

Marko 8:33

Kweni iyo wangung'anamuka, ndi wakuwona ŵasambizi ŵake, wangumuchenya Petro, wanguti, “Kanga kuvuli kwangu, Satana; chifukwa kuti usuŵiriya vyaku Chiuta cha, kweni vya ŵanthu.”

Marko 7:18

Ndipo watiti kwaku wo, “Kumbi namwe so mwe ŵambura kuwamo? Asi muteska kuti chose chakubwaro chakusere mu munthu chirive nthazi kumkazuzga;