Marko 9:31 - Tonga Bible 1986

³¹ Chifukwa wasambizganga ŵasambizi ŵake, kuŵanene, “Kuti Mwana wa munthu waperekekenge mu manja gha ŵanthu, ndipo ŵambayenge; ndipo wati wabayika, pavuli pa mazuŵa ghatatu wakayukanga.”

Marko 9:31 Referans Kwoze

Mateyu 16:21

Kwanda pa nyengo yeniyiya Yesu wangwamba kurongo ŵasambizi ŵake kuti kutenere iyo kuruta ku Yerusalemu, ndi kuvwiyapo vinandi ku ŵara ndi ŵazukuru ŵara ndi ŵalembi kubayika, ndipo pa zuŵa lachitatu kuyuskika so.

Marko 9:12

Wakwamuka wanguŵanene, “Eliya wadangenge nadi kuza, mwakuti wanozge vinthu vyose; kweni na uli po kwalembeka ghapa Mwana wa munthu, kuti wavwiyepo vinandi, ndikuyuyulika?

Marko 8:31

Ndipo wangwamba kuŵasambizga, kuti kutenere Mwana wa munthu kuvwiyapo vinandi, ndi kukanika ndi ŵara, ŵazukuru ŵara ndi ŵalembi, ndi kubayika, ndipo pavuli pa mazuŵa ghatatu kuyuka.

Luka 24:26

Asi kungumwenere Kristu yo kukomwa vyenivi, ndi kuseremu mu unkhankhu wake?”

Mateyu 26:2

“Muziŵa kuti pavuli pa mazuŵa ghaŵi kuŵenge dghera la phaska, ndipo Mwana wa munthu wakombolekenge kwachipayikika.”

Mateyu 20:28

ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”

2 Timote 2:12

asani tikunthiyapo, tiusiyenge pamoza nayo: asani timkanenge, iyo nayo wamkana ifwe:

Yohane 10:18

Palive yumoza wati wukwamphuwa kwaku ine, kweni ndiwuŵika pasi ine ndameni. Mtufu nde nawo kwachiwuŵika pasi, ndipo nde ndimtufu kwachiwuto so. Langulu lenili ndinguronde ku Ada.”

Yohane 3:14

Nge ndimo Mosese wangusoske njoka yamu bozwa, viyo kutenere Mwana wa munthu kusoskeka:

Yohane 2:19

Wangwamuka Yesu wanguŵanene, “Bwanganduwani kasopi uyu, ndipo mu mazuŵa ghatatu ndimuyuskenge.”

Luka 9:44

“Imwe mujiŵikiye mu makutu ghinu mazu yagha; chifukwa Mwana wa munthu wakhasa kuperekeka mu manja gha ŵanthu.”

Mateyu 27:63

ŵakuti, “Abwana, takumbuka kuti mrandizgi yo weche wamoyo wanguti, ‘Pavuli pa mazuŵa ghatatu ndiyukenge.’

Marko 10:34

ndipo ŵakamuweranga, ŵakamfunyiyanga mata, ŵakamkwechuwanga, ndi kumubaya, ndipo pavuli pa mazuŵa ghatatu wakayukanga.”