Marko 9:19 - Tonga Bible 1986

¹⁹ Ndipo wakuŵamuka wanguti, “A mphapu yambura chivwanu, mpaka zuŵanji nkhajanga namwe? Mpaka zuŵanji nkhakunthiyangapo namwe? Mtoleni kwaku ine.”

Marko 9:19 Referans Kwoze

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

Marko 16:14

Ndipo pavuli penipo wanguŵawoneke chumi ndi yumoza ŵija, ŵachija pa kurgha; ndipo wanguchenya uwura-chivwanu wawo ndi unononu wa mtima, pakuti ŵengavi kuvwana ndi ŵeniwo ŵangumuwona wati wayuka.

Maŵerengedu 14:27

“Mpaka zuŵanji ndikunthiyengepo pa wumba uheni uwu wo udinginika kumikana nane? Ndavwa madinginiku gha ŵaYisraele, gho ŵadinginikiya pa ku Ine.

Luka 24:25

Ndipo iyo wanguti kwaku wo, “Mwaŵazira kuwamo ndi ŵachizita mu mtima, kuvwaniya mwaku vyose vyenivyo ŵangurongoro ŵamchimi wo!

Luka 9:41

Ndipo Yesu wakwamuka, wanguti, “Mphapu yambura chivwanu ndi yakwanangika! Mpaka zuŵanji ndiŵenge pamoza namwe, ndipo ndikunthiyengepo namwe? Mtole kuno mwana wako.”

Mateyu 17:17

Yesu wakwamuka wanguti, “Mgonezi wambura chivwanu ndi wakubende, mpaka zuŵanji nkhaŵanga namwe? Mpaka zuŵanji ndikunthiyengepo namwe? Mtoleni kuno kwaku ine.”

Marangu 32:20

Ndipo anguti, ‘Ndikabisanga chisku changu kwaku iwo, ndikawonanga kuti umari wawo ukaŵanga uli, pakuti ndi mugonezi wakupatukapatuka, ŵana mwaku wo mulive ukongorekwa.

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,

Yohane 12:27

“Sono usuzgika mzimu wangu; ndipo ndikambengenji? ‘Ada, nditaskeni ku ora lenili?’ Awa pakuti pa chifwa chenichi ndikuziya ku ora lenili.

Sumu 78:22

chifukwa ŵanguwulavi chigomekezgu mwaku Chiuta, ndi kuti ŵanguthamiya utaski wake cha.

Marko 9:18

ndipo kose kweniko wamtole, utumtesuwa: ndipo wamokoka phovu ndi kukukuta minyu, ndipo ngwakonda: ndipo ndingufumba ŵasambizi ŵinu kuti ŵamtuzge; kweni kuti ŵenga ŵanthazi cha.”

Marko 9:20

Ndipo ŵangumtole kwaku iyo: ndipo wachimuwona, demone yo sosonukweni wangumparuwa ukongwa; wanguwa pasi, wakukunkhuruka ndi wakumokoka phovu.