Marko 8:34 - Tonga Bible 1986

³⁴ Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Marko 8:34 Referans Kwoze

Mateyu 10:38

Ndipo yose yo wareka kujitole mphinjika yake ndi kurondo ine, kuti ngwakwenere ine cha.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

1 ŴaKaronga 14:8

ndinguparuwa ufumu ku nyumba yaku Davidi kuwupaska kwaku iwe; kweni kuti waŵa nge ndi mteŵeti wangu Davidi cha, mweniyo wangusunga malangulu ghangu, ndipo wangundirondo ndi mtima wake wose, kuchita urunji pe mu maso ghangu nyengo yose.

ŴaGalatia 5:24

Ndipo ŵeniwo mbaku Kristu Yesu ŵapayika nyama pamoza ndi maulakalaka ndi malikhumbira ghake.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

1 Yohane 3:16

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.

Maŵerengedu 14:24

Kweni mteŵeti wangu Kalebe, chifukwa wendi mzimu unyake ndipo wandilondo ine kwakufikapo, iyo nkhamutoliyanga mu charu cho wanguyamo, ndipo mphapu yake yikachiharanga.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

ŴaFilipi 3:10

kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake,

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

Luka 9:23

Ndipo waŵaneniyanga wose, “Asani yumoza wakhumba kuza kuvuli kwangu, wajikanizge, ndi wajitole mphinjika yake zuŵa ndi zuŵa, ndi warondonge ine.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

ŴaFilipi 3:7

Kweni vyo vyose vingundiŵiya vyanduwu, ndavyesa chitayiku chifukwa chaku Kristu.

1 Petro 4:1

Viyo mwakuti Kristu wangukomwe mu liŵavu, namwe so jiphatiyeni ndi kapimidu keniko ndiko (pakuti mweniyo wakomwa mu liŵavu warekeko ku ulakwi);

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

1 ŴaKorinte 15:31

Ndirapa mu kujikuzga ko ndenako mwinu mwa ŵabali, ndiko nde nako mwaku Kristu Yesu Ambuyafwe.

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

Luka 14:33

Viyo ndimo yose mwaku imwe yo wareka kujipatiya vyose vyo wenavyo, kuti wangaziŵa cha kuŵa msambizi wangu.

2 Petro 1:14

pa kuziŵa kuti nyifwa yaliŵavu langu ye pafupi, uli ndimo so Ambuyafwe Yesu Kristu wangundirongole.

1 Petro 4:13

kweni uli mphenipo musanganiya vyakukomwa vyaku Kristu kondwani; alinga kuti mu uvumbuzi wa unkhankhu wake, mumwemwetiyenge kwakukondwa.

Tito 2:12

wakutirunguhizga kuti pakukana uwura uwopa Chiuta ndi malikhumbira gha charu, tijariyenge umoyo kwavinjeru ndi kwaurunji ndi kwauwopa Chiuta mu mgonezi wasono,

ŴaKolose 1:24

Sono ndikondwere mu malikomwa ghangu ghapa chifukwa chinu, ndipo mu liŵavu langu ndifiskiyamo vyakupere vya suzgu yaku Kristu pa chifukwa cha liŵavu lake, lenilo ndi eklesiya lo.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Luka 13:24

“Limbalimbani kusere mu khomo lifinyi; pakuti ŵanandi, ndikuneniyani ŵamkhumba kuseremo, ndipo kuti ŵaŵenge ndi nthazi cha.

Mateyu 27:32

Ndipo ŵachituwa ŵangusaniya munthu mKurene, zina Simone: ŵangumkakamizga mweniyo kuti wanyamuwe mphinjika.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

ŴaHebere 13:13

Viyo nafwe tituliye kubwaro ku ugoŵi ŵakupinga tozu lake.

2 ŴaTesalonika 3:11

Chifukwa tituvwa kuti ŵanyake mbakwendaenda mwaku imwe kwaukata wakutata mlimu cha, kweni wamwendanatu.

1 ŴaKorinte 9:19

Chifukwa pakuŵa mwanangwa kwaku wose, ndajisanduska muŵanda kwaku wose, alinga kuti ndanduwe ŵanandi.

1 ŴaKorinte 8:13

viyo, asani chakurgha chitumguŵiska mbali wangu, kuti nkharghanga cho cha muyaya, alinga kuti ndireke kumguŵiska mbali wangu.

Yohane 19:17

Ŵangumrondo Yesu; ndipo wakujipingiya mphinjika yake, wangutuliya ku malo ghakuzumbulika Ghabwaza, ghenigho mu chiHebere ghazumbulika, Golgota.

Luka 20:45

Ndipo penipo nkhamu lose lategherezganga, Yesu wanguti ku ŵasambizi ŵake,

Marko 10:21

Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 7:14

Ndipo wangudana so mzinda wo, wanguti, “Ndivwiyeni mose ndi wanimo: