Marko 8:2 - Tonga Bible 1986

² “Ndendi lisungu pa mzinda wo, pakuti sono ŵatandara nane mazuŵa ghatatu, ndipo kuti ŵargha kanthu cha:

Marko 8:2 Referans Kwoze

Mateyu 9:36

Kweni pakuwona mizinda yo, wanguyifwiya lisungu, pakuti yenga yakusuzgika ndi yakuparghanika, nge ndi mberere zambura mliska.

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Sumu 145:15

Maso ghaku vyose ghalereska kwaku imwe, ndipo po vikhumba kurgha mutivipaska.

Sumu 103:13

Nge ndimo liliri lisungu la wiske pa ŵana ŵake, ndimo Ambuya achitiya lisungu pa ŵakuŵawopa.

ŴaHebere 5:2

Mweniyo wangaziŵa kukunthiyapo kwachitima ndi ŵajira ndi ŵakuranda, pakuti iyo nayo wakwetereka ndi unthomboru;

ŴaHebere 4:15

Chifukwa kuti te nayo cha mzukuru Mura wambura nthazi kuvwiyapo nafwe mu maunthomboru ghidu; kweni yo weseka mwaku vyose kwakulingana nafwe, kweni kwambura vilakwa.

Luka 15:20

Ndipo wangusoka, wanguza ku wiske. Kweni weche kutari iyo, wiske wangumwona, ndi wanguzazika ndi chitima, ndipo wakuchimbiya wanguwa pa khosi lake, ndi wangufyofyontha.

Luka 7:13

Ndipo wachichiona Mbuya, wanguchichitiya chifundu, ndipo wanguchinene, “ungaliyanga.”

Marko 9:22

Ndipo panandi wampong'a ku moto ndi mu maji, kuti wabayike: kweni asani muziŵa kuchita kanthu, mutifwiye lisungu, tovyeni.”

Marko 6:34

Ndipo wachituwa Yesu wanguwona mzinda ukuru, mwakuti wanguŵafwiya lisungu, pakuti ŵenga uli ndi mberere zakuwura mliska: Ndipo wangwamba kuŵasambizga vinandi.

Marko 5:19

Kweni kuti Yesu wangumzomerezga cha, kweni wangumnene, “Kanga ku nyumba yako ku ŵabali ŵako, uŵatauliye vikuru vyo Ambuya akuchitiya ndimo akufwiya lisungu.”

Marko 1:41

Ndipo ŵakufwiya lisungu, Yesu wangutambaruwa janja ndi wangumukwaska, ndipo wanguti, “Ndikhumba; utozgeke.”

Mateyu 20:34

Ndipo Yesu, wakukoreka lisungu wangukwaska maso ghawo: ndipo sosonukweni ŵangulereska so, ndipo ŵangumrondo.

Mateyu 14:14

Ndipo wachituwa mu ngaraŵa wanguwona mzinda ukuru, ndipo wanguŵafwiya lisungu, wanguŵachizga ŵarwali ŵawo.

Sumu 145:8

Mbakwanja ndi ŵalisungu Ambuya, mba chizita mu kukwiya kweni akuzara chifundu.

ŴaHebere 2:17

Viyo na wangwenere mwaku vyose kulinganizgika ku ŵabali ŵake, alinga kuti waŵiye kuchiri kwaku Chiuta mzukuru mura walisungu ndi wamagomekezgeka, kwachipepeske pa vilakwa vya ŵanthu.

Marko 6:32

Ndipo ŵanguruta mu ngaraŵa ku malo ghabozwa ku ubende.

Marko 8:3

ndipo asani ndiŵatumenge waka kuruta kwawo ŵanja, ŵafwenge msara mu nthowa; pakuti ŵanyake ŵaku wo ŵatuwa kutari.”

1 ŴaKaronga 19:6

Ndipo wangulereska, awonani, ku mutu kwake kwenga chiŵande chakocheka pa mya ya moto ndi balasuma wa maji. Wangurgha ndi kumwa, wangula so pasi.