Marko 7:34 - Tonga Bible 1986

³⁴ ndipo, wati walereska kuchanya, wangusiska mtima, ndipo wanguti kwaku iyo, “Efata, ko nkhuti, Banuka.”

Marko 7:34 Referans Kwoze

Yohane 11:41

Viyo wangutuzgako mwa. Ndipo Yesu wangwinuskiya kuchanya maso ghake, wanguti, “Ada, ndikuwongani kuti mwandivwa.

Marko 6:41

Ndipo wati wato viŵande vinkhonde vyo ndi somba zo ziŵi, wangulereska kuchanya, wangutumbika, ndipo wangumenya viŵande vyo; wangupaska ku ŵasambizi kuti waŵajarikiye; ndi somba ziŵi zo wangugaŵiya wose.

Marko 5:41

Ndipo wakukole janja la kana, wanena nako, “Talita kumi”; ndiku kuti, “Msungwana we, ndikunene, yuka.”

Machitidu gha Ŵakutumika 9:34

Ndipo Petro wangunena nayo, “Eneya, Yesu Kristu wakuchizga; yuka, ndi tanduwa chita chako.”

Yohane 11:33

Penipo Yesu wangumuwona wakutenje, ndi ŵaYuda ŵakurongozgana nayo wakutenje, wangukoreka chitima mu mzimu, wangudagha,

Marko 15:34

Ndipo pa ora lachinkhonde ndi chinayi Yesu wangubongo ndi mazu ghakuru, “Eloi, Eloi, lama sabaktani?” Ghenigho pakung'anamuwa ghatiti, “Chiuta wangu Chiuta wangu, mwandisiyanji?”

Marko 8:12

Wakutamantha ukongwa mu mzimu wake, watiti, “Mgonezi uno upenjiyanji chisimikizgu? Nadidi ndinene imwe, kuti chipaskikenge chisimikizgu ku mgonezi uno cha.”

Machitidu gha Ŵakutumika 9:40

Kweni Petro, wati waŵatuzgiya wose kubwaro, wangugwada pasi, ndi wanguromba; ndipo pakung'anamukiya ku thupi lo, wanguti, “Tabita, yuka!” Ndipo iyo wangubanuwa maso ghake; ndipo wachiwona Petro, wanguja songa.

Yohane 11:43

Ndipo wachikamba yagha wangukambura ndi liu likuru, “Lazaro, tuliya kuno kubwaro!”

ŴaHebere 4:15

Chifukwa kuti te nayo cha mzukuru Mura wambura nthazi kuvwiyapo nafwe mu maunthomboru ghidu; kweni yo weseka mwaku vyose kwakulingana nafwe, kweni kwambura vilakwa.

Yohane 17:1

Yesu wanguti wamara kurongoro; wangwinuskiya maso ghake kuchanya, ndi wanguti, “Ada, ora lo laza: kankhuskani Mwana winu, alinga kuti Mwana wakankhuske imwe.

Yohane 11:38

Viyo Yesu wangusuzgika so ndi chitima mu mtima, wanguza ku muunda; wenga wamphanji, ndipo mwa ungujarikako ku khomo.

Yohane 11:35

Yesu wanguliya.

Luka 19:41

Ndipo pakuŵandika, wati wawona msumba wo, wanguliriya pake,

Luka 18:42

Ndipo Yesu wanguti kwaku iyo, “Lereska: chivwanu chako chakutaska.”

Luka 7:14

Ndipo wanguza, wangukwaska thupi; ndipo ŵakunyamuwa ŵanguma jo. Ndipo wanguti, “Jaha we, ndikunene yuka.”

Marko 1:41

Ndipo ŵakufwiya lisungu, Yesu wangutambaruwa janja ndi wangumukwaska, ndipo wanguti, “Ndikhumba; utozgeke.”

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Chituwa 2:23

Pavuli pa mazuŵa ghanandi karonga wa Egipiti wangufwa. Ndipo ŵaYisraele ŵangukomwa mu uŵanda wawo, ndipo wanguliriya chovyo, ndipo kuliya kwawo kwa mu uŵanda kungufika kwaku Chiuta.

Marko 7:35

Makutu ghake ghangubanuka, lidada la lilime lake lingufwatulika, ndipo wangurongoro kaunthu.